9 September 2021 I Lungler SAC Sakhan Kah Kan Timhmi Hnulei Thilthup

9 September 2021 kha Lungler SAC Sakhan Kah I laak dingin kan I thawh nain kah kan rak I tthul. September thla ni 5 ah Zahnak Battalion in Vice Chiarman Henry Hniang Cung (tulio kan commander) le kan advisor.

Pu Lal Om Pui ka pa pui ( tulio kan vice Chiarman) cu tlaang tlawn an I thawh I, Lungler Rungvengtu Phu kan camp ah riak dingin thawng an kan thanh. Ka nau le pahnih nih an dawn hna I kei zong ka khualtlawnnak in ka rak tlung.

September 6, 2021 ah Lungler ah khuanu khuapa he biahruahnak le SAC ralkap he pehtlai in ralrinnak te te pek tthannak kan ngei a ruang cu August thla ni 13, 2021 ah Lungler SAC an lubik kha meithal puak loin.

Tlaih kan rak timhmi information kan control khawh lo ruangah kan rak chanbau bal. September 6, 2021 ah Ralpel khua mi hna he tawn biahruahnak kan ngei. Kan meeting lio ah Zahnak kan Chiarman.

Salai Tial Hram Ling sinin ka phone ra nain meeting chung si caah ka tlai lo a voi a tam caah ka nau pakhat ka tleihter I a biapituk mi a si a ti. Phone cu ka call I Farrawn khua ah tuzan vun phan seh tiah CNA kan pu le nih an in ti a ti.

Farrawn cu zanlei muilai ah kan phan. Culio ah CNA ralkap minung 45 cu ttansi an rak tuah. CNA kan pu Sang nih vun I din law zaan ah biahruahnak kan ngei hna lai ti. Khua ka ruahmi cu Lungler Rungvengtu.

Phu nih hlah maw hriam kan tlaihnak ah kan I palhmi um hnga aw ti ka ruat. Zaan ahcun Zahnak kan commander hlun Khin Mawng Win, CNA kan pu le pahnih he tin Lungler SAC Sakhan zeitindah kan kah lai, khoika hmun in tbk.

Kan I ceih dih hnu ah Zahnak Battalion in minung 50 I thawh hna sehlaw Na ralkap minung 20 in a thawh ve uh tiah pu Sang nih minung a kan hal. Kei nih Thantlang CDF ka hawile teh ka ti I, minung kan tamtuk cun a ttha lai lo.

CNA minung 45, Zahnak 50 le Lungler in 20 kan si cun a za ko an ti. Cun ZB kan Commander nih kan kah hlanah bawlung kan chuih pi law bomb an kamh mi hi hrawh Kai zuam lai ti. September ni 8 zaan ah Fungkah khua ah I tong dingin bia an hren.

September 7, 2021 cun kan tlung I kan ralkap an dihlak le admin cu camp ah um dih dingin thawng kan i thanh hna. Bawlung chuih dingah kan khuabawi nawl kan hal piak kan ti nain a tlamtling lo. Certual le SAC sakhan hi aa tlai mi a si.

Caah kan uniform kan I phoih I bawlung chuih ah kan kai chih. Kan vun thawkka ah sakhan chungin an vun ka kawh kawh! Meithal kan I ken lo le thinphang ngai ngai. Ziah bawlung cu nan chuih? tiah lunghrinh ngaiin bia an.

Ka hal (SAC pawl nih hin bawlung kan chuih tawn ni le caan hi an theih ve). Ka leh mi hna cu I zuamcawh mi a si ka team pawl kan tling lo tuk hi ka team ah ra ve u ca ka ti hna. Kan si kho la lo an ti a ruang cu thla khat reng lo an sakhan hin a chuak duh ti lo.

Bia an ka cah mi cu bomb kan tarh mi um caah cu hmun kha hmun I bawlung a rilh cun kal hlah uh an ti. Tlawmpal ah certual liam deuh ah kan I din. Cu lio ah commander le a nau le cu ramtang in certual ah a vun Kai ve.

Lente kan I celh pah cun luhnak ding le thil sining kan zoh! Cun coffee tthuk khat kan cawk I an sakhan hmai ka nau pakhat he kan va pek hna. Ka nau pakhat nih a ttih ngai rua, an ka theih sual lai tiah tlawmpal ai laam ter.

September ni 8 zaan kan phan I khua a vun muih in Fungkah khua ah cun CNA kan pu le kan hawi sinah kal kan I thawh tthan. Ruah lo piah Farrawn in kan tlun pah I Thangzang khua pawng ah CDF Thantlang.

Kan chairman te he bia kan I ruahmi a tlamtling I, CDF Thantlang kan Commander le a team pawl zong an ra kho. Kan voikhat I tonnak si le kan lau ngai ve ve a ruang cu Thantlang longah kan I kom I CDF kan si kan rak I thei ve ve loh.

Kan cawlcang ding ning kong kan fehter hnuah kan cycle le mawttaw mit ceuter loin ruahsur lakah Lungler lei cu kan panh hna. Muih si nawncek lak si a fawi lo. CNA minung 50 reng lo, CDF Thantlang kan.

Commander team 12 le Zahnak Battalion kan commander le a team 11 le Lungler Rungvengtu Phu minung 23 cu Phu ruk ah kan vun I tthen I, kan I fonh hna. CDT Thantlang CC team le ka nau le minung 10 cu SAC Sakhan.

He hmaitonh in a ummi Pura ah hmunhma kan la. Kan Meithal hi short-gun 1, Rifle 1, KA 2 le laiser thonghrolh rumro an si hna nain kan dironh ve ko hna. Sakhan la ding cun ral kan tuk bal lo caah kan thawchuah in.

Kan thinphang lo ti cu ipheh awk ttha lo. Hruaitu kan si caah kan nau le cu ralttha dingin forh an hau rih. September thla ni 9 zinglei suimilam 5 ah kah hram thok ding kan timi cu order chuak ti lo. Tlawmpal ah.

Rak kir uh tiah order (nawl) chuak. Kan kal lei I Uico an rak thah lomi nih a kan boh ruangah lam dangin kan kir. Lam pial kan phak ah SAC Sakhan cun mei a vun kan ceuh caah kan bawk dih. Lam a kan hruaitu le a hnuzul cu.

A rak lan diam ai. Ka zulh mi kha lam thei lo mi Thangtlang Battalion kan ralkap si kaw lam a pit le mulak cun kan I thaam. Lam hruai cu ka vun chawn ve khua a muihtuk caah lam iltlang pe 10 renglo a sangmi ah ka tla.

Ka lau tuk nain aw chuah awk ttha loh. Ka hnu mi zong a tlaak thawng thang le din long an si. Kan za tein Bungkhua ah kan I tong tthan hna I kan I din hna. ZB in Ralpel khuami minung 10 an ra tthan. Nu pakhat ai tel.

Phu 6 ah ai tthenmi kha mi an vun I chap caah Phu 7 ah kan tthen tthan. An Phu min kha 07 kan pek hna I, CNA, Ralpel le Lungler kan fonh hna. SAC Sakhan kan kah caan ah kan kah lonak a ruang cu CNA hi a tam u cu.

Lungler sakhan an phan bal lo. Keimah nih hmunhma ka peknak hna a si caah a tlamtling lo. Hriamngan zong hman dingah an I lunghmuih lo. Cu caah zanlei sumilam 3 ah Phu 7 chung I an Hruaitu minung.

Pahnih cio le lam Hruaitu ding kan kawh hna I. Hmunhma zoh ah kan kal tthan. SAC nih Meithal an puah tuk nain kan hmunhma cio kan zohchih. An hriamngam chiahnak zong drone in kan zoh ta. Meithal a puah tuk caah Bungkhua ah kan kir.

SAC an cawlcangh ning zohtthan a hauh caah CNA pakhat le ka naupa he Lungler khua helnak leiin hriamnam he kan rak lut tthan. Zaan ah Lungler khuami cu an nun himnak ding caah biakin le inn ngan deuh ah.

Hmunkhat teah um dingin kan chim hna. Ttuanvongeitu hna nih an zohkhenh hna. Cun kan mah zong nih nan thin phang hlah uh tiah an umnak ah kan va veh hna hnuah Sakhan he hmaitonh a simi inn pakhat ah kan riak.

Zinglei suimilam 3:15 ah kan tho I Lungler SAC Sakhan kap dingin kan I tonnak dinghmun ah kan kal. Biakilh: “Lungler Sakhan Hnulei Thilthup” Cu Cauk in chuah kan timh caah laknak kong cu ka langhter rih lo. Cred. Aung Aung