A Naupa Kum Hnih Mi Ruak I Pawmh In Lampi Ah Bawmtu Ka Hmu Kho Hnga Maw Tiah A Thupi

Zoh ah hin thinlung nih a celh bak lo. Amah hi kum 10 hrawngmi te a si. Hihi India ram Madhya Pradesh ah a si: A sifak tuk kaw a pa nih hi a naute ruak phurnak 1,500 a ngei lo caah ti khin a thupinak khi a si. Pal ek pawl nih an hmu i na bawmhchan hna. VIDEO

A dang relchap. Palik Sakhan Chungah Nuva Kar Buainak Ah SAC Ralkap Pakhat Meithal Kah Nak In A Thi Mandalay ramțhen, Taungthar peng, ZoneSiiGyi palik sakhan ah nuva kar buaibai nak ah SAC ralkap pakhat meithal i an kah i a thi tiah khuami pakhat a chim.

July 15 chun Sml 3:30 hrawngah SAC ralkap Yan Naing Oo cu zu ri i a nupi he an i sik lio ah mei thal a chuah i ralkap Aung Khine Win nih a thlauh lio ah a kah sual tiah theih a si . A nupi zong a ban ah meithal a hliamh ve .

Ralkap Aung Khine Wine cu a țang ah hmunhnih a khen i a nunnak a liam. A thi mi pa zong a ri ve, meithal a chuah lio ah a thlauh i meithal cu Auto in a chiah i voihnih puak i a voihnih ning in Aung khine Wine a țang ah pem lak in a khen tiah a hmu tu pakhat nih a chim.

Sakhan Hmu khual a tlawn lio a si caah cu kong cu thuh an timh nain a nunnak liam mi ralkap chungkhar lei nih taza an cuai caah Yan Naing Oo cu Taungtha khua palik sakhan thonginn ah an khumh tiah theih a si. Cred. The Chin Post

Hmih dih hna sehlaw teinak hmu hram hna seh. Jehovah Pathian kan lei a tang nak hna Chin mi vilate nih thlacma u sih. Kan umnak cio in khan thla rak rak cam colh u. A dang relchap. Myaing Ah SAC Ralkap Nih An Tlaihmi PDF Pahnih SAC Ralkap Bawmhnak In An Luat

Magwe ramțhen, Myaing peng ah SAC ralkap tlaih a tongmi tualchung PDF pahnih hna cu SAC ralkap chungtel nih bawmhnak ruangah an luat țhan tiah theih asi. Myaing peng nitlak lei le Pauh peng ramri YeNanHmaw lei ah umhmun a khuarmi.

SAC ralkap hna nih Myaing peng PDF pahnih cu an tlaih hna. PDF pahnih hna cu WatPok khua ah an chiah hna i nizan July 14 zan Suimilam 8:00 hrawngah sakhan chung um SAC ralkap pakhat nih an kut țemnak cu a phoih piak hna i a himnak tiang a thlah hna.

Tlaih a tongmi PDF 2 cu tluang tein a himnak hmun an phan cang tiah Bu Kyan Tone nih a chim. Luatnak a hmu than tu PDF 2 cu khoika PDF an si kan thei kho rih lo. Hi cathanh kong he pehtlai in We Love Myaing phu sin in pehtlaihnak kan tuah ko nain lehnak a um rih lo. Cred. The Chin Post