An Ruak In An Char Hna Zoh Ngam Hman h A Si Lo E

October [THO] 09,2022_CCN Channel

Magway ramṭhen Ngaphe peng Bungbaw khuami tleirawn tete Mai Hnawng Pa Hla (K-14) le Mai Swe Zin Aye @ Khin Win hna cu Oct, 6, 2022 zan Sml 8:00 hrawngah an khua pawng Kohkyi khua in an um nak Bungbaw khua lei ah an tlun pah nakin an tlau. Khuami nih an kawl hna i Oct, 10, 2022 zanlei Sml 5:00 hrawngah.

Melat khua le Satsi khua kar ramlak ah an ruakin an char hna tiah theih a si. A ho nih zeiruangah an thah hna ti kong an hlat cuahmah liopi a si. Bungbaw khua cu Rakhine Yuma tlangthluan cungah a um mi a si. Hi tlangthluan pawnghrawng cu Asho Chin miphun khua tampi an um hna nak a si.CCN

Relchap. Sualnak Ngeih Lo Mipi An Kan thah Mi Hi Kan Kong Ceihtu an um khawh ti lo maw? Kan Satil Arvok an kan thah piak sual hmanh ah a kong ceih tawn asi. Ralhrang Rallokap nih thah mi thong tampi Mipi, ngakchia, Nu tbk vialte hi kan konglam ceihpiak um loin Leidap tang ah mu?? A fak hrinhran ko.

MAH te ralhrang thluk khawh hnu lawng ah maw kan kong ceih a si hnga? Kudabin ah Rohingya Mifimthiam (M.A) pa an thah sual nak kong ah ARSA le Waiwainu (Nuhrin covo Palai) nih AA nih an thah an ti. AA nih Rallokap nih an thah an ti. Rallokap nih ARSA nih an thah an ti. Ralhrang MAH nih tlaihnak.

Hremnak, thahnak, Lainawng nak in aliam mi le a ciamh mi vialte cu CDF PDF nih an tuah an ti zungzal. Eden dum biaceih ning ah cun sual an i puh ve ve nain, nan sual dih tiah PATHIAN nih biaceih asi. Mipi umnak hmun ah raldoh i mipi an i hliam i an liam ahcun War Crimes asi caah Kap hnih sual asi ko.

Mipi le khua umnak ah raldoh cu Geneva law nih a onh lo mi asi. CHIN miphun pakhat le pakhat kan i rem lo, pumkhat kan si khawh lo, raldohnak tiang a chuak hi cu: Kap hnih kan bau caah asi. A dinfel dueh mi kan um lo tinak tehte asi. JUSTICE nih buan co zungzal seh law, Rule of Law nih lairel zungzal seh.

Man Show khuakkhan Lairelnak le Credit, Popular tbk vialte Pulpit tang ah hmun hma lak cang hna seh. Cred. Saya Rung Kaw. A dang relchap. KNU Nih Thaton Peng PDF Hna Cu Bu Khat Ah A Fonh Hna Karen National Union (KNU), Brigade 1 hmunhma chungah a cawlcangmi PDF hna cu KNU nih bu khat ah a fonh hna tiah theih a si.

KNU Brigade 1 cu Mon ramkulh Thaton peng ah a um i cu an hmunhma chungah a cawlcangmi PDF bu 24 hna cu nawlpeknak pakhat tangah tlukruang tein an cawlcangh khawh nakhnga tiin KNU nih October 3 ah khan bu khat ah a fonh hna. KNU cunglei (central) chimnak nawlngeitu Padoh Saw Taw Nee nih.

Thaton peng ah bu 20/30 hrawng an um tikah anmah cio in an cawlcangh ahcun buainak kan tong kho. Cucaah pehtlaihnak ṭha ngeih i tlukruang tein an cawlcangh khawh nakhnga bu khat ah kan fonh hna. A bik in kanmah nawlpeknak (command) tangah an um dingmi kha a biapi” tiah a chim. A luancia September 21 ah khan.

KNU Brigade 1 hmunhma chungah a ummi dohthlennak hriamtlaibu pakhat a simi Kyaikto ) Revolution Force (KRF) nih Denko Company ngeihmi detsi phawrtu leilawng (motor) cu an tlaih i a khaltu le a zultu cu an hren hna pinah detsi kalan (gallon) 4,000 cu an zuar fawn. Cucu hramhram tlaihkhih (kidnapping) phunkhat a si caah.

KNU Brigade 1 zulhphung buar a si tiin KRF hruaitu hna cu dan an tat hna. KRF zong nih dantatnak cu an cohlan i KNU Brigade 1 ukhruainak cu kan zulh lai tiah cathanh an chuah. Cu ruangah atu bantukin nawlpeknak pakhat ah PDF bu 24 hna cu an fonh hna nak hi a si. KNU Thaton peng Brigade 1 nih.

Tuanṭi hawi hna zulh dingmi zulhphung 25 an ser i cu zulhphung a zulmi lawng ṭuanṭi hawi ah cohlan ding ti a si. KNU Thaton peng Brigade 1 i ṭuanṭi hawi hna tlangtlaknak kawmiṭi chungṭuan pakhat nih “Zulhphung chung an luh khawh nakhnga kan tlangtlak hmasa hna, ṭuanṭi hawi ah kan cohlan colh hna khi a si.

Cu hnuah kan sinah phunglut sinak (register) an tuah. Minung thazang, hriamnam thazang ti bantuk ṭha tein an langhter. Kan sinah phunglut sinak a tuahmi bu 30 hrawng an si. Zulhphung ṭha tein kan zulh lai a timi lawng kan cohlan hna. Bu 24 cu phunglut sinak kan pek cang hna. A dang cu a ruang zeimawzat ruangah kan pe kho rih hna lo” tiah a chim. Source: The Irrawaddy News. The Chin Post