Australia Ah A Ummi Salai Williams Hlawnceu Timi Pa Kha Ka Min Chal In A Taar Ruangah Ka Vun Leh Lai

Australia ih um Salai William Hlawnceu timi pa khan ka hmin saal in ca a run taar ruangah mallai ka run let ding. Mipi hmai ih thusim le public ih cangan tivekah mi hmin saal suahawk le mai’ tuahmi ngan lang awk hi ka uar lo zet, a thuzawng ih debate le ruahdan titi tlang ka uar.

Asinaan mi a run ngan hmaisa zarah kan run ti țulve vekah a cang ti’n ruahțha mai sehla. Politics ahcun nupa le unau rori khal hmuhdan le duhdan a dang aw theu tikah kan duhdan a bang aw hai lo hicu thil sidan a si ih mai’nruahdan le duhdan kan sim le kan ngan kha.

Democracy fehphung ih thawtnak a si ko. Mai’ duhdan vek cekci midang duh velo tupawl hringhro tucu MAH vek thotho nan si. Hmuhdan le thlirdan nganmi Chin mipi tamzet cun a siar le pom kan thiamsak aw hrih lo hi a poi zet, asinaan nuamtetein kan run thiam ve leh mai ko ding.

Ka rual Salai LTT tla mawi lo zetzetin an rak ti țheu naan tu ahcun a ruahdan an thiamsak vivo thlang. Asinaan kan Chin mipi tamzet in Kawl hrekkhat țong sia zetzet hi kan cawng thluh zikih a poi ngaingai. Ok, kan Salai WH ih nganmi lamah lut thlang sehla…

Milai sinak ih zoh cun lai khawte ih kahmi le Falam i kahmi a bang aw. Asinaan, himi ca siar țheh tikah an bang aw lonak tekha kan mahtein kan fiang cio ko ding.Hitin vun tahțhim hnik sehla. Milai kan nunnak hi a hlut le hlut lo a bang aw thluh, kan thlarau khalah.

Khing ritsawn kan um lo. Asinaan, Church member menmen thi le Church Pastor thi tikah tuardan a bang aw maw?Fiang sinsinnak dingin. CNA hrang an camp hmundang ih ummi kahsak le an Head-quarter Camp Victoria (CV) kahsak tikah CNA hrang a naa veve naan CV kah kha a naa cuang, image a siat phah.

Ralhmaituang lakah ralkap menmen thih hnakin cui ralkap buur hotu or comman der a thi tikah, ralkap nunnak veve cu asinaan ralkap menmen thih hnakin hotu thihnak tuar a naa. MAH khal cu thotho, a uk theimi khawpi ciocio lakah Yangon tivek hnakin.

Myanmar khawlipi Nepidaw ih thilcangmi a la SERIOUS sawn. Cucu thil umdan a si. Falam peng ih khaw dangdang, Falam pengmi umnak ih kah le inn urkang tikah kan thin a naa tuk thotho, kan thin a nuam lo. A tlun lamih tar zo vekin Falam peng khua kah timi le Falam khawpi kah tikah a naa veve ko naan.

Khawpi buai dingih va tokthai kha kan siang lo cuang! Rialti, Țaal, Ramthlo le Thlanrawn lam an ur hlante ahkhan Hlasak Zuamawknak hrang timlamnak ka rak nei ko khah. Song Track tla tawlrel thluh asi. A tlunih khuapawl rin lopin. An run ur ruangah program kan cancel thluh cih.

Riahsiatpinak langter in titheitawk bawmnak kan kuat cih. Mino ziangmawzat zuamawknak hrang timlam awin studio ih lut man an um, kan laicin inn kaang le mitthli tla lai ah miphun hrang cangvaih nak tuah tum asiko naan mipi ngaithiam dil in. zuamawknak hrang budget tuahmi zatein hramlak ih.

Thleng RALKIAN bawmnak ah kuat cih thluh a si.Curuangah zo nih khua le ram a duhdaw ih, zonih Chin miphun le mipi lungrualnak țhendarh tum in a siatsuah ticu caan nih lai a run reel lai ding. Tui lawlawse ih na (nan) ciah-neh theimi lak ihsin.Rung mitvang tla an umlai ding.  Cred. Salai DL Seenling.