Australia Lainu Lai Thilthuam Kongah Ai Ai Tuar Ve Ti Lo

Laithil le Lainu tiah kaa tuar ve ti lo. Lainu kan si caah laithil cu kan dirpi awk a si, Laithil hi pumpak in a ho thawi le a ho ta hmanh si lo, laimi phun ta si ko. (Laithil le a thawi min kan sak dan zong hi i remh kan herh ), mah pumpak in.

Ka ta a timi poh mifir kan si ko,cucaah kan buaituk cun lairam kan khangh sual lai. Mahtluk mitthli he ram kong kan buai lioah, thil puan kong kan rak buaihi cu ttahchuak le ningzak kan si ee. Vawlei cung Brand minthang thil.

An copy hmanh ah mahtluk hin an buai lo, kan inn pa kawl chia kan timi hna hmanh nih an sunhsak tuk mi thil ( Cheih hni ) khi copy a khat nain an buai lo, Cu lio i laithil te nizan tihni tein vawlei a cheu nih an van theih mi le kutzung thiam le thluak.

Thatha nih hlan thil thar serchuah in nan van i zuam i cucu a dawh tuk tik ah, unau dang nih an copy mi cu i lawmhtuk ding si ko cu ta.Lai thil cu a ho thil hmanh a si lo in, laimi thil a si caah kan thil li la cu fir i puh cu um bal lomi si.

A ho hmanh khi hlanthil tharchuah in aa copy dih lawngte kan si ko, a mah le mah nawnnok khi si ko. I phawtzamh cio lehlam in mah kan thiammi te cu a lar chinnak hnga tiah kan u nau dang nih heh tiah ttanlak in an zuar i.

An sunsak cio mi cu a thatuk ko cu ta i lawmh chin dingtu kan si ee. Kan thiamnak nih sifak santlai lo hna an pawkhim nak a si ko ah cun i lawmhtuk ding si ko ee, cu bantuk in siannun kan ngeih cun Bawipa kan cungah a lawmtuk ko lai.

Ka ruahningah Bawipa minung hna nih cun khat le khat sual i phawt hi kan ral a si awk tu a si ee. Cred. Chin Chin. Adang relchap. Kum 10 hnu Chennai: ‘ka saduhthah cu a tling ko nain. Bachelor of Science (BSc) ka rak kainak.

Loyola College le Chennai khua cu kum hra hnu ah ka va phan than. Riahnak kan ngei lo caan ah ka hawile cheukhat he kan rak riah tawnnak tlanglawng station zong ka va phan — zu, fikfa le mifir tampi lak zong ah.

Kan rak i hngilh khawh ko kha ka mithlam ah a cuang than. BSc ka dih in IELTS ka phi lai i England ah master ka peh lai, ka dih in sipuazi ka tuah lai i phaisa cuzat ka kawl te lai’ timi hi college ka kai lio ka saduhthah a rak si.

Ka sining dihlak i pek in ka rak i zuam ve, Pathian zong nih aka dawt i kum 10 chung ah ka rak tinhmi leng in a thlawchuah aka coter. Chennai ka rak um lio cu ‘mah ka saduhthah a tlin taktak khawh ahcun lunglawmh hnangam nak tling ka ngei te lai.

Ka duh a tling te lai’ tiah ka rak ruah. Atu cu kha lio ka saduhthah kha a tling cang ti khawh a si, nain ka rak i ruah chanmi lunglawmh hnangam nak tling a um hlei maw timi biahalnak tampi ka tuah than. Vawlei cu zeitluk i zuam zong ah.

Duh a tling kho lo timi fiang ngai in ka vun pemh. Duh a tling lomi vawlei a si caah a piangthar mi zong an duh a tling thlu kho ve hlei lo, chawva loin khuasak khawh a si ve lo tikah minung sinak in harnak an ton caan a tampi ve ko.

Zeibantuk minung ca hmanh ah duh a tling timi a um kho lo. Bill Gates zong a nupi he an i then ko, Steve Jobs zong cancer in a thi ko. Billion in phaisa an ngei zong ah an duh a tling, lunglawmh hna ngamnak tling an ngei timi a um kho lo.

Anmah le sining cio ah an lungnuam lonak le midang sining an hngar nak a um ve lengmang ko lai— a tling lomi vawlei ah kan um caah a si. Tinhmi saduhthah ngeih, cucu phak khawhnak hnga i zuam cu a tha tuk.

Nain, kan saduhthah a tlin zong ah kan duh a tling thlu kho hlei lai lo timi kan i fian ding a biapi tuk. Kan saduhthah lawng dawi in kan nunthluan caah a biapi vemi a dangdang kan tlolh dih sual maw timi i check lengmang a herh ngai.

Kan saduhthah tlinh nak ding caah kan takpum zong hi a celh lo tiang in kan hrem sual maw timi zong tuak ngai a hau. Nuamh caan a phak ah ai nuam kho i tuan caan a phak ah a tuan khomi, vah caan a phak ah.

A vak i chawva kawl caan ah a kawl khomi, ih caan a phak ah a it i thawh caan a phak ah a tho khomi, chawva zong a kawl kho i hman caan a phak ah a hmang khomi — hmailei kong ah lungrethei tuk in khuasak a hmang lomi — hna.

Khi nuncaan man ngei bik in an hmang kho, an rum bik tiah kei nih cun ka ruah hna. Kei zong kum hra chung ka saduhthah ka rak dawi nak ah ka tlolhmi tampi a um ve. Khirh ka duhmi tampi a um ko, nain khirh khawh an si ti lo.

Kan tinhmi tampi kan tlinh ko zong ah zeitik hmanh ah kan duh a tling kho lai lo timi te hi tuan deuh ah rak pemh cang ninglaw tihi ka ruat ngaimi a si. Atu belte cu ka pemh cang.