CBCUSA Pastor Pakhat Pahnih Thim In Mizoram Ralzam

CBCUSA cu Khrihfa bu an tam, member an tam fawn tik ah an phaisa thawhmi zong a tam lai. Cucaah cun an tuah rih lo ahcun, tuah hna seh law a ttha hnga tiah ka ruahmi cu US um pastor pakhat/pahnih thim hna seh law Mizoram Chin ralzam pawl zohkhenh dingah Mizoram ah heichia hna seh law a ttha tuk hnga ka ti.

Khawimaw can ah an va tlung in an va bawmh ttheu ko hna nan, a hmunte i va um hnawh ah a ttha deuh hnga ka ti. Rev. Dr. Thla Awr Bawihrin hna kha hei fial hna seh law a ttha tuk hnga. Cu ve bantuk in ramdang i a ummi, Laimi zong nih tuah kho ve hna seh law a ttha tuk hnga ka ti. Mah lo ahcun kumsau deuh a rau lai i.

Harnak faktuk in an tongte sual hna lai i sualnak phun2 le ritthaisii zuar le zu zuar phun hna in an i la sual hna lai. Mah tik ah Mizoram cozah le mizo mipi nih an huat hna lai i tthawl tiang an tong te sual lai phang a um. Cred. Van Tum. A dang relchap. Mizoram, Lawngtlai District Lungzarhṭum Khua Ralzaam Hna Ca Ah Khuami Nih Biakinn An Sakpiak Hna!

Mizoram, Lawngtlai district i khua pakhat Lungzarhṭum khua ralzaam hna ca ah LIKBK khrihfabu hna nih Biakinn an sakpiak hna, tiah theih a si. Biakinn saknak ah aa telmi upa pakhat nih cun,” Lungzarhṭum khua ralzaam hna cu khua in Km 1 hrawng a hlatnak ah an um i, khuachung ah an rak i pum tawn.

An umkalnak ah zaangfak an si tiin ralzaam umnak pawng ah Biakinn sakpiak kan i tim i, Nihin in kan i ot,” tiah The Chin Post ah a chim. Lungzarhṭum khua ahhin ralzaam member 168 an um i, a inn cun inn 16 an um. Lungzarhṭum khua ralzaam hna Biakinn saknak ding ahhin Lungzarhṭum LIKBK khrihfabu hna le hmun dangdang in.

Bawmhnak tlawmpal an thawh hna, tiah theih a si. Biakkinn hi a dung ft’ 30 avang ft’14 in kan sakpiak hna lai, tiah ṭuanvo ngeitu pakhat nih cun a chim.The Chin Post. Relchap. Ranger Kalay Defend Force Fund Caah Inn Hmun Lucky Draw An Tuah Ranger Kalay Defend Force i Fund kawlnak caah pe 40, 100 a kau mi inn hmun cu.

Vanțha laksawng( Lucky Draw) in an zuar i ticket tlapkhat ah ks 20000 in an zuar. Ranger Kalay Defend Force nih cathanh an chuahmi chungah ” Kannih Local PDF cu mizapi bawmhnak in dohthlennak tuah mi kan si , Dohthlennak tuah caan a van sau i phaisa kong ah kan harsa, Hriamnam le kuan le zen i zalh chap kan.

Hauh caah tu bantuk in Pupa ram asi mi inn hmun pakhat cu vantha laksawng (Lucky draw) in kan zuarnak hi asi. Ticket tlap 3000 kan zuar khawh in a vantha mi cu Innhmun he peihtlai in a herh mi catlap vialte he tling tein kan kuat te lai. Hi Innhmun kan zuar mi a hmunhma taktak tu cu fiangntein chim awk a țhalo tiah an langh ter.

A tang kan langhter mi Link ah in luh i hal khawh a si. Cred. The  Chin Post. Relchap. CDF KKG pawl sin ah kan va leng Kalay-Kabaw-Kankaw (Lairawn) tiah micheu nih an uah nak hmun I aum mi kan miphun hawi hna hi kan dothlennak ah an biapi ngaingai. Tutan ah hin zeitluk indah an biapit timi fiang chinchin in alang.

Anmah hrimhrim zong hi an tthawng, an ral a ttha. An battalion zong an karh cuahmah. CDF KKG I an ralkap hruaitu pakhat he bia kan iruah I a chimmi tlawmpal lak ah; Khika Tamu- Kalay in Chindwin tiva pi ah a va luangmi mit-tha tiva pi khi aho hmanh nih a ti kan tawng duh lo. Zeica tiah cun, SAC ralhrang nih an.

Mithi khi phumlo le fimtawl manhlo in khi tiva ah khin an hlonh mi hna an tam tuk caah a tiva ning khin tongh thianglo bantuk ah kan ruah e ati. Cun ralhrang kan kah hna nak ah an captain pa Walkie talkie kan lak I mah kan lak mi cun an headquarters ah zeitin dah bawmnak an hal hna, pyu-saw-thi pawl he zeitin dah.

An I chawnh biak timi pawl raltuk lio ah kan theih dih hna ati. Kan kah hna I ralhrang lei an thih tuk caah an headquarters ah bawmhnak an hei hal hna ati. An HQ lei nih bawmtu “reinforcement” kha an pek khawh hna lo caah vanlawng in a ran nak in nan rak kan chanh lo ah cun CDM ah kan lut viar la hih tiah an ti hna hnu ceu ah vanlawng nih cun a rak bawmh hna ati.

Cun a dang pakhat roling ngai asi tiah ka ruah mi cu; Pyu-saw-thi pawl nih ralhrang pawl kha CDF le PDF pawl kah ding in an va chimh hna I kawl ralhrang nih CDF le PDF kah kha an ngamh lo. Pyu-saw-thi pawl nih cun ralhrang cu an hnek deuh hna. Cu tik ah ralhrang pawl nih “kan nih cu zeitik poh ah kan kutdong pathum kan thlir lai.

I CDM ah kan lut kan ti ah cun mipi nih lunglawm te in an kan cohlan ko lai. Nan nih pyu-saw-thi pawl hi khoika hmanh ah dornak a nei lo dingmi nan si hi I thei uh” tiah an ti hna ti asi. Pyu-saw thi pawl hi USDP party minung lawngte deuh an si tiah ati. KKG nusal le pasal ttha pawl upat bu in.