CDF Kan Psal Ṭha Pwl Nih Ralhrang Tam Tukmi An Kah Lio

Khah! Video in zoh khawh a si cang. Rak zoh cio u. Kan ralkap hna hi zeitluk dah an ral a tha I zeitlukdah an ngamh a sang ti na hmuh lai. Uar an um kho tuk e hi. Pathian nih him tein chiah ko hna seh. Ralhrang tam  ngai. Cucu annih mi tlawm te nih an kah thluahmah ko. Annih hi CDF mindat an si. Video timi hmet. VIDEO

A dang relchap. Mandalay Ramṭhen, Sint Kaing LPDF Chungtel 4 Cu SAC Ralkap He An I Ton Caah 3 An Thah Hna! Mandalay ramṭhen, Sint Kaing peng LPDF ralkap 4 cu rianherh ngei in khual an tlawnnak lam ah, SAC ralkap he an i ton caah ralkap 3 an thah hna, tiah LPDF (Sint Kaing) nih nihin.

August 16 ah cathanh an chuah. August 12 ah Sint Kaing in Yuangan  lei ah a kalmi SAC ralkap hna cu tualchung hriamtlai phu he hmai tonh in an i ton caah, tualchung ralkap 4 chung ah 3 cu an i tonnak hmun ah an kah thah hna, tiah an langhter. Tualchung hriamtlai phu chungtel 4 hna cu.

SAC ralkap nih hmaitonh in an karceh hna i, a nungdam mi ralkap pakhat cu an tlaih, tiah theih a si. SAC ralkap kut in nunnak a liammi PDF chungtel 3 hna cu Sint Kaing LPDF ṭangrual phu Black Brothers PDF in an si i, pakhat cu Sint Kaing LPDF chungtel a si.A dang relchap.

Tamu Peng Ah Chinmi Pa Pakhat Cu SAC Ralkap Le Pyusawhti Nih An Tlaih! Tamu peng chaklei um Tanan khuami Thang Khan Suan (kum 22) cu Tamu khua in an khua lei a kir lio, an khua luh lai ah SAC ralkap le Pyusawhti nih nizan August 15 chun sml 12:00 hrawng ah an tlaih, tiah theih a si.

Thang Khan Suan cu Tamu ah thing ahnak seh cawk ah a kal i, a kir lei ah SAC ralkap le Pyusawhti nih cun an tlaih i, Myothit sakhan ah an kalpi. A chungkhar nih atu tiang an tong kho rih lo. Thang Khan Suan cu thing ah le zungthiam, inn sak ti bantuk in a chungkhar a cawmmi a si i.

A unau lak ah amah hi upa bik a si, tiah theih a si. Tanan khua cu Tamu in meng 30 hrawng a hlat i, SAC ralkap, Pyudawhti, Shan tapung le Kate tapung an tamnak hmun a si. The Chin Post. A dang relchap. Midang siloin kanmah hi biapi tuk kan si!

Kanmah hi Thiang Thlarau nih a kan um pi i, kan nuncan ziaza Khrih muisam kan ngeih i kan nun a ṭhat/dawh ahcun kanmah kan ilawm, kan innchungkhar a nuam, kan hawilekom an hmun, kan Khrihfabu a dam i kan ram le miphun zong daihnak a um.

Kanmah le kanmah Thiang Thlarau bawmhnak in kan itei i kan iuk khawh ahcun miṭhawng kan si. Hmailei kan itinhmi kan vision chun mang phanh khawhnak thazaang zong kan ngei i ruahchannak kan ngeihmi nih intuar khawhnak zong a kan pek. Cun vawlei nuamhnak le Bawipa duh.

Lomi thil kaltaak khawh in Jesuh Khrih hnu zulh khawh asi. Vawlei ah sifak, reitheih le chambau in um ko hmanh usihlaw Jesuh Khrih dawtnak kan ngeih hnucun thlam chung hmanh hi a nuam. Taksa in harsatnak kan tonmi hmanh hi kan thinlung le kan thlarau cu aa lawm ko.

Cucaah kan tonmi le kan sining vialte a hrampi hi midang ruangah asilo kanmah ṭhatlo le sual palh ruangah asi tawn. Cucaah Jesuh Khrih nih, “Keimah hnu zulh a duhmi cu amahlemah duhnak/sining aa tei/hlaw/kaltaak hmasa lai” tiah ati. Adam thisa sualnak in ṭhatlonak le thihnak hmun kha kan hlawt i Jesuh Khrih

Thisa/thlarau theipar ṭhatnak in zungzal nunnak ah a kal dingmi kan si. Thiang Thlarau in hrinṭhanmi na si ahcun na umnak hmun paoh ah Pathian a um ve. Pathian umnak hmun cu thianhlimnak, dinnak le dawtnak le ngaihthiamnak nun a um. Kanmah le Thiang Thlarau karlak ipehtlaih hi a biapituk e.

Midang sual na phawt hlan ah, midang bia na ceih hlan ah, midang na cawnpiak hlan ah, midang na hruai hlan ah, midang thla na cam piak hlan ah, midang kong na chim hlan ahkhan nangmah le nangmah Thiang Thlarau he ipehtlai hmasa izuam! Cred James Vanneilian