Central Lairam, Lawngtlai 2023 Biangreithlep 17: Bangladesh ah Chin cithlah tlawmte kan um, a si nain zalonnak kan duh ruangah doh kan thlenmi hi kan Chin miphun hawi nih kan theihpi cio u. Majan ah Bangladesh cozah ralkap le.
Chin cithlah ralkap KNA hna an i kap. Bangladesh ralkap lei a thimi an tam ngai. An lakah Captain le Major zong an thi.Majan telh in Bangladesh ralkap nih khuami tampi an tlaih hna. Bawm khuakip ah Bomb an thlak. Attack Drone, 1-50, le hriamngan tampi an hman.
Cu a si caah Chin cithlah ralkap KNA caah Chin miphun hawi nih thla kan cam piak cio u. Bangladesh um Chin cithlah pasaltha le nusaltha hna caah le zapi caah nan thlacam bawmhnak kan herh peng.
Bangladesh ralkap nih KNA an tei hna lo caah Arakan Army le Democracy UPDF ( terrorist) an i sawm hna caah kahdohnak a fak chin lai, tiah Bangladesh Chin cithlah Chin miphun hna nih Chin miphun sinah nawlnak an tuah. The Lairam Time
A dang relchap. Rul bang thluak hman zia a thiammi (Vs) uico bang forh poah ah a bo men mi Ngakchiat lio bawlung ngeitu he bawlung chuih, a sung deuh caan poah ah. Rul bang thluak hman zia a thiammi .
Bawlung a ting i a kan tin tak. Ai a puan ning. Mah he khan Kawl ralkap hi an i lo, an party an sung poah ah aana an ting. Fih an nung i huat an tlai bak. Aana an ting hnu khan thlakhat chung i din bak loin lam zawh kai thawh ve.
Thlakhat hnu cun lam zawh in tei khawh an si lai lo, Kawlmi nih biatak tein meithal in an thuat ve lawng ah tei khawh an si lai timi ka pemh caah lam zawh kai din. Meithal lawng teinak lam’ timi ka dirpi tuk ko nain.
Kawlrawn (Yangon, Mdy, NPT) mipi nih meithal in biatak tein an doh hlan ahcun Chinram ah meithal kan puah awk a si lo, Kawlmi nih biatak tein an doh tung lo i kanmah lawng nih kan doh sual ahcun kan tei fawn lai lo caah kan cei lai.
A miak um loin sungh nak lawngte kan tuar lai, kan ram a rawk dih lai tiin ka rak aupi than. D-day an thanh tikah Yangon lei Kawlrawn mipi nih biatak tein an doh ve ahcun keimah pumpak zong Laitlang ah ka tlung ve lai i raltuk.
