CCN Channel.Taningtharyi ramṭhen, Taningtharyi peng Laytit khua ah thit-um puai an tuahlio ah SAC ralhrang hna nih hriamngan in an kah hna i kum 10 ngakchia pakhat a nunnak aliam i minung 6 hliam an tuar tiah Khit Thit Media nih a langhter.Vaute 10 zinglei suimilam 7:20 AM hrawng ah.
Taningtharyi khua hrambunh ralhrang hna nih hriamngan an kah i khuachung ah kuan 3 cu a tla i a puak. Khuachung ah nupi an hal i puai an tuahlio a si. SAC hriamngan kuan khen ruangah kum 10 ngakchia pakhat cu a a thi i minung 6 nak tlawmlo hliam an tuar tiah theih a si.
Ngakchia cu a ṭang ah kuan nih a khen i a thi colh. Tuni zanlei ah a ruak kan vui cang. Hliam a tuarmi ah hin tar lei deuh an tam. A thimi ngakchia i a nu le pa cu Thailand ram ah rianṭuan in a um lio a si” tiah khuami pakhat nih a chim. Cred. CCN channel
A dang Relchap. Sagaing ramṭhen, Yinmarbin pengkomh Battalion 19 cu meithal tlawm tuk lawng kan ngei i tangka harsatnak kan ton pin ah NUG sin in hriamnam kan ngah lo caah raltuknak rian kan i din cang lai, tiah Pale Jokers PDF sin in theih a si.
NUG kuttang MOD nih Battalion pakhat ah nun venhimnak ca ah meithal kan in pek hna lai tiin bia an rak kan kamh ko nain atu tiang zei thawng hmanh a um ti lo. Pale Jokers PDF cu MOD kuttang Battalion pakhat a si ve, tiah an langhter.
MOD sin ah hriamnam kan hal ko hna nain zei thawng hmanh an kan thanh ti lo pin ah COC kuttang um lo ahcun hriamnam ngahnak ding ah a harnak kong zong an langhter.
Pale Jokers PDF cu MOD nih a ruang tampi ruang ah hriamnam an kan pek khawh ti lo caah a leng in hriamnam cawk ding in timhtuahnak kan ngei i mizapi nih bawmhchanh kan herh, tiah Yinmarbin pengkomh Battalion 19 nih an langhter.The Chin Post
A dang relchap. Mipi hramhram in a thattu pakhat a si tiah. LLPDF in tuanvo ngeitu nih cun a chim. Pyusawhti phu hna cu tilawng cung ah fimhlawm an si hnu ah palik phu hna nih mipi sin ah an firmi thilri zong kan chuh khawh hna tiah.
LLPDF nih cun theihternak an tuah tiah theih a si. An sin in lakmi thilri hna cu sui thi 2, platinum thi 3, kutdong hrolh 8, hnatonh 2, ban hrolh 2, phaisa 3,138,000mmk, walkie talkie 1, nam a saumi le a tawimi he tiin 3, phaisa bawm.
