AC Ralkap Nih Agape Sii-inn Ah Nurse Pali(4) Le Cawbuk Sang Ah Pa Pathum(3) An Tlaih Hna! Chin ramkulh, Hakha hrambunh Agape sii-inn ah SAC ralkap nih Nurse pali(4) an tlaih hna, tiah theih a si.
May 22 zinglei suimilam 2:00 hrawng ah SAC ralkap nih Agape sii-inn cu an luhhnawh i nurse pali(4) cu an kalpi hna. Nihin May 22 chun tiang ah an thlah rih hna lo, tiah tualchung mi pakhat nih The Chin Post ah a chim.
Nurse pali hna hi zei ruang ah dah an tlaih hna ti cu hngalh a si lo. Agape sii-inn ah hin nihin May 22 ah mizaw operation tuah ding zong an um, tiah theih a si. Cupinah May 21 zan suimilam 11:00 hrawng ah Cawbuk sang cu.
SAC ralkap nih chungkhar cazin an check hna i, pa pathum(3) an tlaih hna, tiah theih a si. Hi kong he pehtlai in tualchung mi pakhat nih, “Cawbuk sang Moe Hein pinlei khi SAC ralkap nih chungkhar cazin an check hna i.
Pa pathum(3) cu chungkhar cazin ah nan i tel lo an ti hna ruangah an tlaih hna i an kalpi hna,” tiah The Chin Post ah a chim. Bungzung lei in a rak kaimi Tatma 77 SAC ralkap pawl cu Hakha an phan cang tiin thawngpang a len hnu in.
May 20 zan Keitheibo sang ah minung pahnih(2) nih chungkhar pakhat cu an hrocer hna i an phaisa Kyats sing hra (1,000,000) hrawng zong an chuh hna. Pa pakhat zong a or ah nam in an tuk i a hliamhma he sii-inn a phan.
Cu bantuk thil a can hnu May 21 le 22 zan ah Agape sii-inn ah Nurse pali(4) le Cawbuk sang ah pa pathum(3) cu SAC ralkap nih an tlaih hna, tiah theih a si. Credit. The Chin Post. May 20 zan Keitheibo sang ah minung pahnih(2) nih chungkhar pakhat cu an hrocer hna
A dang relchap. Rul bang thluak hman zia a thiammi (Vs) uico bang forh poah ah a bo men mi Ngakchiat lio bawlung ngeitu he bawlung chuih, a sung deuh caan poah ah. Rul bang thluak hman zia a thiammi .
Bawlung a ting i a kan tin tak. Ai a puan ning. Mah he khan Kawl ralkap hi an i lo, an party an sung poah ah aana an ting. Fih an nung i huat an tlai bak. Aana an ting hnu khan thlakhat chung i din bak loin lam zawh kai thawh ve.
Thlakhat hnu cun lam zawh in tei khawh an si lai lo, Kawlmi nih biatak tein meithal in an thuat ve lawng ah tei khawh an si lai timi ka pemh caah lam zawh kai din. Meithal lawng teinak lam’ timi ka dirpi tuk ko nain.
Kawlrawn (Yangon, Mdy, NPT) mipi nih meithal in biatak tein an doh hlan ahcun Chinram ah meithal kan puah awk a si lo, Kawlmi nih biatak tein an doh tung lo i kanmah lawng nih kan doh sual ahcun kan tei fawn lai lo caah kan cei lai.
A miak um loin sungh nak lawngte kan tuar lai, kan ram a rawk dih lai tiin ka rak aupi than. D-day an thanh tikah Yangon lei Kawlrawn mipi nih biatak tein an doh ve ahcun keimah pumpak zong Laitlang ah ka tlung ve lai i raltuk.
