Chin Pasal Ṭha Kan Ralkap Salai Lal Biak San 37 Ram Caah A Nunnak A Liam

Lawngtlai, 13 Chiapa 2022 : Chin National Defense Force (CNDF) ralkap, paralțha Salai Lal Biak San (kum 37) cu a mah nih a kam bantukin 11 Chiapa 2022 Kalay peng, ralram hmun pakhat kahdohnak ah ram le miphun caah a nunnak a pek. Miphun dohthlennak ca i a pumpeknak cungah CNO/CNDF nih upatnak sangbik kan pek i.

Kaltakmi chungkhar ngaihchiatnak kan hrawmpi hna. Lai paralțha kan miphun ralkap Salai Lal Biak San, ram le miphun caah na pumpeknak naa ruahchannak pawl hi na kaltakmi na țuanhawi CNO/CNDF nih kan philh lai lo i thahrum hmang in nawlngeihnak latu ralhrang pawl an cimih tiang kan run doh lai tiah.

A kan kaltak cangmi na țuanhawi paralțha pawl le na min chalh in bia kan i kam tiah Chin National Organization nih cathanh an chuah. The Lairam Times.  Adang relchap. Lawngtlai, 27 Biang reithlep 2022, Chin ramkulh, Paletwa peng nizaan 26 Biangreithlep ah Arakan Army (AA) le ralhrang kahdohnak kong he pehtlai in AA nih zei biadah an chim.

Paletwa A-Bawng-Tha khua pawng ah a ummi AA ralkap umnak hmun ah Myanmar ralkap LIB 275 nih ralhmai ser in an luh caah minute zei maw chung kahdohnak a chuak, kahdohnak a dih hnu zongah Myanmar ralkap nih zaanlei tiang hriamngan kahthlorh in an kah ” tiah AA in chimnak nawlngeitu U Khai Thu Kah nih BBC ah a chim.

Kahdohnak a chuah hlan ah ralhrang cawlcanghnak cu a luancia Sikpar 2020 hlan deuh ah Arakan ramkulh ah ralhmai sernak a tam tiah AA lei nih an chim. Hi ruangah kahdohnak a fak chin kho mi a si tiah AA nih khuami ralrinnak an pek hna. Ralhrang lei chimnak nawlngeitu Zaw Min Tun nih a luancia 19.

Biangreithlep i thawngfianhnak ah Arakan ramkulh chungah AA nih kahdohnak tuah dingin an kan sawm tiah a chim hnu ah a tu bantukin kahdohnak a chuah hi a si. Nizaan kahdohnak kong he pehtlai