Chinmi Ramthumnak 0r Ram Hnihnak Or RamTthumnak Pastor Mi Ṭhanghtu Dingah Khawika Pastor Dah Hman Awk An Ṭha Bik

Mi ṭhanghtu kan timi cu hrinṭhannak  he pehtlaih crusade le campaign caah ti duhnak a si mu. Kannih Chinmi cu ai fit timi hikan uar tuk hna. Taksa lei cua dik. Nain Thlaraulei ahcun No a si lo. Thlarau lei hi thiam ti le ai fit timi biafang pawl he aa pehtlai lo.Khakha biahmaiṭhi ah sisehlaw,

Ramthumnak kan zohta lai. Ramthumnak khi Pastor an tam ngai. A tu kak h cim bang khan ai fit kan timi an tam ngai. Amah belte cu aa hngilhmi ṭhanghnak caah cun auh dingngaingai hi khuaruahar in an tlawm. An um lo tluk a si.

Cheukhat le bang cu Pastor maw an si ramkhel pastor dah an si ti zong fiang khawh a si ti lo. Thlarau lei bia an chim tikah hmual a ngei kho lo e. Annih cu Officer minung phun deuh  riantuannak ah khuakhang lairel ti bantuk lei khin hmual a ngei deuh.

Cun ramthumnak ah hin thil pakhat a ummi cu Pastor hi taksa lei ah an hman pah ruah. Sizung zulh, Apoinment a dang dang ah zul ti bantuk in mipi nih nan hman ngai rua hna. Hi zong hi mipi kan I palh taktak ve. Pastor rian a si lo.

Kha bantuk bawmchantu tampi an um ko hna. An um lo hrat hmanh ah chungkhat deuh I rawi khawh a si. An um lo tuk cun Khrihfa upa rian tu nan fial deuh hna awk a si.Cucu hmailei ah theih cang u. Mipi nih kan pastor te hi vawlei rian lei ah hmang hna hlah u!

Bible ah cun a fawi tukmi Biakinn thawhlawm reltu hmanh ah hman an si lo. Hi ruangah hin ramthumnak hi Pastor kan siah Thlarau lei aa hngilhmi ṭhanghnak ah cun Pastor pakhat hnih taktak lawng an um i mipi zong a dam taktak mi an tlawmnak hia si.

Amah belte nunning kong ti bantuk, khuaruahning tibantuk cawnpiak, training ti bantuk ah cun an za ngai ve hna. Chantiluan an doi kho ngai ve ko. Chimmi dirhmun in cun bochan awk an tlak ve bak ko. Kha bantuk ahcun annih khi hman awk an tam ngai.

Ram Hnihnak Pastor: Ram hnihnak kan timi cu a bikin India, Malaysia, Thailand ti bantuk hna hi an si. Anmah hi annih zong hi tam deuh cu an si ve ṭhiam ṭhiam ko. A sinain mipi hi an fim hna i taksa lei ah Pastor an hmang bak hna lo. Amah belte Khrihfa upa nih hruainak chungah an um deuh ve. Nunzia tangdor, lungsau ti lei ahcun soisel awk an um lo tluk a si. Amah belte a tu kan tlangtar ngaingai ah cun an um tuk ve lo.

Ramkhatnak kan zoh lai. Ramkhatnak cu ram chung hi an si hna. Ram chung hi cu Evan kan timi hna hi a tam deuh cu Pastors an si ko h na. Annih hi atu ai fit kan timi boifang tinh idngah cun an tlawm taktak nain Thlarau lei ah hman dingmi an tam taktak. Crusade le Campaign caah cun an tam kho taktak. Hihi ram chung pastor teuar an umnak cu a si.

Thlarau lei ahcun B.Th cu chim loin Diploma hmanh hi ramthumnak ai fit kan timi hna nih an tluk theng hna lo. Cucu a si.  Cucaah nihin tiang hla pipi in nan caah hnanak zong hi a si. Cucu pheh awk a ṭha lo. Bible a canwgmi cu chim loin a canwg lomi hmanh hman ding an ngai hna.

Cucaah hi kong ah hin ramchung Pastor te hi bochan awk an tam bik i tuah khotu an tam bik. Ram dang zong nih hin auh lengmang ko hnan u. Zeicatiah nan umnak ram ahcun hi bantuk Pathian nih ahman ngaingaimi an um tuk theng lo caah a si.

Tlangkawmh: Cucaah hi hnu hmailei ah Chinmi nih Pastor kan lak tikah kan theih dingmi cu Thlarau cu Thlarau lei quality in zoh bak ding a si. Taksa lei ai fit le fit lo kha biai ah ruah lengmang hlah u. Khrihfabbu hi timi hi kan lung fiang seh.

A bik in Khrihfa upa hna Khrihfabu timi study zong tuah deuh tuah u. Nanmah hi Khrihfabu ah rian angei bik nan si ti ko usih. Khrihfabu thlarau lei ah a dam hi biapi ah ruat u. Khrihfabu thlarau lei ah kan dam ahcun Khrihfabu zeitik hmanh ah a si a fak lai lo.

Cun Khrihfabu hi Vawlei bu sermi community maw? NGO maw society pakhat khat bantuk in a cazin lawng tuak in kal ding a si lo. Tam deuh cu zumhnak hi hmang hna usih. A um bak rih lomi zumhnak a tam a hmang kho deuhmi Khrihfabu an ṭhangcho deuh hrimrhim lai.

A ngan zong a dam deuh hrimhrim lai. Thlarau lei ah a nun a sining dihum, Khrihfabu caah sifah aing ngammi, Khrihfabu caah thlarau zawn a ruat taktak mi thlarau lei ah! Thlarau lei ah! Thlarau lei ah zoh hna usih.

Cu bantuk Pastor a ngeimi a lami khrihfabu lawng a ngan a dam lai cang ti kha Khrihfabu hram Jesuh min thawng kan thanh hna. Note: Hmathlak kong: Tluang Za Uk te group hi Laimi a kan thangh tu an si. Rev. Dr. Hre Kio  hi Biaknak ah pa bik an si caah ka hun tarmi hna an si.