Chinram Ah Khua Ningpi In A Zammi Cu Thantlang Le Mindat An Si

Chinram raltlan ah ,khua pum hlum ih raltlan hi mindat le thantlang ansiih, mindat cu mipi in kum 5 hnu khal ah neh nak kanco theizik lo ti anthei ih ,tamsawn cu an inn ah an kir salzo ,cui kirsal ding ih tanla tu pawlcu dalaan tin puh tawngkhal a um nan,Falam pawl vekin anthat aw velo .Atu Thantlang khua khal an lung afim thlang ih.

An khua tundin salih kirzai anrel thok thlang asi .thantlang khua pum zuamral nakmen in nehnak kan co theicuangziklo ti anthei fiangaw zo cu asihmel. Hakha ralkap CNA /F pawl khal tucun khuilam tang an si timi cu, mi aa thla ngaingai lo cun, kanngiat thiam thlang koding, Kha le kan CNDF /CNO pawl khal ,tucun kanlungfim thlang ko ding e.

Kan Falam khuapi le kanpeng le kn mipi cimit theh nak menin MAHle SAC pawl an tlak phah cuangziklo tikha kanthei cio thlang ding ka beisei . Atlai hlan ah kanlungfim keiuh Kan Falam peng mifim ,le thuruat thei deuh pawlih hruainak do le soisel nawnlo in ,an Thu an awi tum keiuh. Ref. CNG. Posted, Biak Nei Mawi.

Thantlang Dirh Ṭhan Kongah Ramkulh SAC Cozah Le Thantlang Khuanu Khuapa Meeting An Tuah

Pur (June ) 30, 2022, cawn ninga ni ah Hakha khuapi ramkulh cozah meeting hall ah Thantlang dirh ṭhannak kong meeting an tuah i Chin ramkulh SAC CM Pu Ngun San Aung nih a telpi hna. Pu Ngun San Aung nih cun biahmaiṭhi a chim hnuah atu i an tuah liomi meeting cu Thantlang dirh ṭhannak ding kong a sinak, meeting a kaimi ramkulh zungkip ṭuanvo ngeitu hna zong nih Thantlang hi a hlan bantukin a si khawh nakhnga chimrel cio ding, cun meeting ah aa telmi Thantlang khuanu khuapa le Biaknak lei upa hna zong nih Thantlang dirhmun le dirh ṭhannak ah a herhmi zalong tein chuahpi cio ding, a bik in ralzam hna Hakha i ṭhialkamnak kongkau ah ruahnak chim ding, cuti ralzam ṭhialkamnak ah harnak a um ahcun mawṭaw timhtuah piak an si lainak kong le Thantlang dirh ṭhannak kongah a biapi bikmi cu i zumhnak a si caah pakhat le pakhat cungah zumhnak ngeih a herhnak kong a chim.

Cu hnuah North Western Command i Deputy Commander Brigader General Myo Htut Hlaing nih Thantlang kahdohnak ruangah ralzam in a ummi hna an umnak hmunhma ah chiah ṭhannak le Thantlang khuapi a daih khawhnak dingah khuanu khuapa le Biaknak lei hruaitu hna i bawm in rianṭuanṭi a herhnak kong a chim ve.

Cu khawh cun ramri runvennak vuanci Brigader General Han Win Aung le ramkulh cozah chungṭuan (Secretary) U Maung Maung San nih Thantlang dirh ṭhannak rian ṭuan khawhnak dingah zungkip i ṭuanvo ngeitu hna zong nih a hlankan in timhtuahnak ngeih chung a herhnak kong an chim ve.

Cu hnuah Thantlang lei in Rev. Dr. Lal Uk, khuanu khuapa in Pu Ngun Hram, Pu Ram Khar le Pu Lawm Bik hna nih ralzam hna an tlun ṭhan khawhnak ding le Thantlang dirh ṭhannak dingah ramkulh cozah le ramkomh cozah nih kan tuahpiak seh tiah an duhmi chimrelnak an ngei ve tiah theih a si.

Meeting a kaimi ramkulh level zungkip ṭuanvo ngeitu hna nih Thantlang ṭhanchonak caah an ṭuan cangmi, an ṭuanlio mi le ṭuan an timhmi kong chimfiannak an ngeih hnuah North Western Command Deputy Commander Brigedier General Myo Htut Hlaing nih ruahnak peknak bia a chim hnuah SAC cozah.

Chin ramkulh CM Pu Ngun San Aung nih meeting kharnak bia a chim i an meeting cu an donghter tiah theih a si. The Chin Post. A dang relchap. Thantlang serthannak ding kong ceihhmainak cu 30 Pur chun ah Lai ramkulh, Hakha khua, ramkulh cozah zung tonpumhnak ah an tuah i ralhrang riankhinh Lai ramkulh Chief Minister Pu Ngun San Aung nih biahmaithi chimnak a ngeih.

Ralhrang riankhinh Lai ramkulh Chief Minister Pu Ngun San Aung nih cun ” Nihin tonpumhnak cu Thantlang serthannak ding kongkau ceihhmainak a si, tonpumhnak ah a rak i tel kho mi ramkulh cozah zungkip in tuanvo ngei hna le, Thantlang cu hlan bantukin serthan a hauhnak le, tonpumhnak ah a rak kai kho mi.

Thantlang khuanu khuapa hna le Pastor hna Thantlang dirhmun le serthannak ding kongkau ah dengteo te’n nan duhmi nan chim khawhnak lai le, A bikin nawlpat kan duhmi hna cu ralzaam mizapi hna cu Hakha ah i thial nak kongkau zongah khuanu khuapa hna he ceihhmainak ngeih, ralzaam mi Hakha ah i thial ding an har ahcun.

Motor kongkau tuaktan piak an si lai nak le Thantlang serthannak ding ruahchannak a ngeihnak kong zong a chim. Cun hnu ah ralhrang Northwestern Colonal Myo Thun Hlaing nih ” Nihin i tuahmi tonpumhnak cu Thantlang kahdohnak ruangah ralzaam mizapi an kir than khawh nakhnga le Thantlang cu dai te’n phungning te’n khuapi ah.

A si than khawh nakhnga, khuanu khuapa hna he hmunkhat ah tangrual a hauhnak kong a chim”. Cun Thantlang khuanu khuapa Pu Ram Khar, Pu Ngun Hram, Pu Lawm Bik, Rev.Dr. Lal Uk hna nih ralzaam mizapi hna a boruak zoh in le Thantlang khua serthannak ding kong ah ramkulh le rampumkomh tawlrelpiaknak a herhnak kong dengteo te’n an chim.