Dr. Ngun Cung Nih Le Dr. Sasa Hi Mara An Si Nain

Dr. Ngun Cung Lian le Dr. Sasa hi Mara an si nain mara caah thazaang an chuah tluk in Chin mipi caah thazaang achuah bakmi an si. Anmah Mara ca lawng ah thil ṭha an tuah lo. Chin mipi huap caah an ṭuan zungzal. Hi hmanh ah hin Dr. Sasa hi a ṭuan khun. Dr. Ngun Cung Lian cu Ralhrang an pa ahai cang. Dr. Sasa cu Mipi caah sang chinchin in a dir.

A dang relchap. KNU Nih Thaton Peng PDF Hna Cu Bu Khat Ah A Fonh Hna Karen National Union (KNU), Brigade 1 hmunhma chungah a cawlcangmi PDF hna cu KNU nih bu khat ah a fonh hna tiah theih a si. KNU Brigade 1 cu Mon ramkulh Thaton peng ah a um i cu an hmunhma chungah a cawlcangmi PDF bu 24 hna cu.

Nawlpeknak pakhat tangah tlukruang tein an cawlcangh khawh nakhnga tiin KNU nih October 3 ah khan bu khat ah a fonh hna. KNU cunglei (central) chimnak nawlngeitu Padoh Saw Taw Nee nih “Thaton peng ah bu 20/30 hrawng an um tikah anmah cio in an cawlcangh ahcun buainak kan tong kho. Cucaah pehtlaihnak.

Tha ngeih i tlukruang tein an cawlcangh khawh nakhnga bu khat ah kan fonh hna. A bik in kanmah nawlpeknak (command) tangah an um dingmi kha a biapi” tiah a chim. A luancia September 21 ah khan KNU Brigade 1 hmunhma chungah a ummi dohthlennak hriamtlaibu pakhat a simi Kyaikto ) Revolution Force (KRF) nih Denko.

Company ngeihmi detsi phawrtu leilawng (motor) cu an tlaih i a khaltu le a zultu cu an hren hna pinah detsi kalan (gallon) 4,000 cu an zuar fawn. Cucu hramhram tlaihkhih (kidnapping) phunkhat a si caah KNU Brigade 1 zulhphung buar a si tiin KRF hruaitu hna cu dan an tat hna. KRF zong nih dantatnak cu an cohlan i.

KNU Brigade 1 ukhruainak cu kan zulh lai tiah cathanh an chuah. Cu ruangah atu bantukin nawlpeknak pakhat ah PDF bu 24 hna cu an fonh hna nak hi a si. KNU Thaton peng Brigade 1 nih ṭuanṭi hawi hna zulh dingmi zulhphung 25 an ser i cu zulhphung a zulmi lawng ṭuanṭi hawi ah cohlan ding ti a si.

KNU Thaton peng Brigade 1 i ṭuanṭi hawi hna tlangtlaknak kawmiṭi chungṭuan pakhat nih “Zulhphung chung an luh khawh nakhnga kan tlangtlak hmasa hna, ṭuanṭi hawi ah kan cohlan colh hna khi a si. Cu hnuah kan sinah phunglut sinak (register) an tuah. Minung thazang, hriamnam thazang ti bantuk ṭha tein an langhter.

Kan sinah phunglut sinak a tuahmi bu 30 hrawng an si. Zulhphung ṭha tein kan zulh lai a timi lawng kan cohlan hna. Bu 24 cu phunglut sinak kan pek cang hna. A dang cu a ruang zeimawzat ruangah kan pe kho rih hna lo” tiah a chim. Source: The Irrawaddy News. The Chin Post.Mah Le Mah Kan I Doh Caan A Si Ti Lo. MAH Lawng Kan Doh Caan A Si

Lai mi nih, “A hrut nih a fim chim” timi phungthluk kan ngei. Biachim tikah bia tangdanhnak zongah hman a si tawn. A sullam cu mah nakin a fim deuhmi le thil a thei deuhmi kha ruahnak va cheuh, va pek duh tikah biatangdanh nakah hmanmi bia a si.

Atu lio kan ram chungah a cang cuahmahmi hi Chin mi ram leng a um nih cun kan mit in kan hmu lo i ca lawngin kan rel. Thil a cang cuahmah liomi kha kan hnaa in kan thei lo i mi nih an chimmi thawngpang lawng kan theih. Atu ah ca in kan rel lengmang i hnaa in kan theih lengmangmi cu MDF Mara le CDF Mara an i rem lo.

An i sikkheoh peng, an i tawng taktak cang lai timi kong thawngpang rel le theih cu a nuam lo ngaingai. Ram chungah a um i ram le miphun caah nunnak tiang thaap in rianțuantu (CDF/PDF) hna kha a langtlang ko in cu tin um u, kha tin um u ti le kanmah duhning in um hna seh ti i chim le rel cu kan thiam bak. A huam zong kan huam fawn.

Hmmm…, an mawh maw tiah le an mawh ve hleng lo. A ruang cu atu lio kan ram kong ruah ahcun ahohmanh dai tein ka um ko, ka zeihme a poi i tiah a timi cu an um lai ka zum ruam lo. Zei ti an va aukhuan cio le an va viu kiao cio zongah ram le miphun an dawt ruangah le MAH an duh lo an langhternak a si ko ti tu in hei ruah.

Khawh cio ah khin cun va hraan len awk le pakhat le pakhat hei i doh len awk khi a va um hnga lo nain. Kan poi tuk tawnnak pakhat cu, “Lai mi cu pumpalulh chuih zoh a thiam tukmi le kawl țih lai ngamh,” kan tam tuk tawn ruangah hin a rak si pah rengreng ko. Kawl țih lai ngamh timi a sullam cu, “Miphun dang vial țih ngai i an chimmi paoh ngaih.

Zei ti an kan ti hmanh zongah an bia al ngam lo i dai tein um ko. An kan tuk an kan den i an kan thah len zongah a hmu lo le a thei lo bangin hmur i cip ziar. Asinain mah miphun sin vial ah ralțhat ngai i tluang va khawn len fawn, cakei kaa a pur lai bangin um. Hehehe. Nihchuak cu kan si pah ve ti ko u.

A taktak le a ngaingai ahcun mah bantuk a aukhuangmi minung pawl khi vun dironh taktak tikah kedanh ai phoih i lopher a zam diam dingmi an si. (Lopher ti a sullam cu hmuh khawh ti lo dingin a zuang diam tinak a si.) Cucaah cun ahohmanh pakhat le pakhat ai soisel ding le sual ai phaw ding kan si lo. Kan dihlak in kan i khat dih.

MAH (Min Aung Hlaing) nih nawl ngeihnak a lakmi cu Chin miphun lungrualnak (Chiat leiah țhatnak) tu ah a cang i a țha ngai ko lai hih ti kan ruah lioah Chin miphun țhencheutertu dingah pei a si ko ne lai hi ti ruah țhan ah thinhun a zual i lungfah a zual chinchin. Cucaah cun atu lio cu mah le mah kan i doh caan a si ti lo.

Zei bantuk thil a va can ko hmanh ah lungrual tein hmun khat te ah MAH ralhrang tu kan doh ți ding a si. Nan dihlak cungah daihnak um ko seh. Dinnak kha a cat lomi tiva bantukin luanter camcin ko u (Amos 5:24). Salai K. Biak Lian Thawng