Falam Le Hakha Kar Ah Biatak Tein Ralhrang Le Chin Kan Ralkap An Kap Cuahmah

Khah! Falam le Hakha kar ah biatak tein an i kap cuahmah i thlacam cio hna usih. Kan rallkap ni teinak hmu hram hna seh. Ralhrang vialte sung dih hnan seh. Hakha lei hrim ralhrang lut kho hna hlah seh. Nan umnak cio ah thla rak cam cio u. Adang relchap. Lawngtlai, 27 Biangreithlep 2022, Chin ramkulh.

Paletwa peng nizaan 26 Biangreithlep ah Arakan Army (AA) le ralhrang kahdohnak kong he pehtlai in AA nih zei biadah an chim. Paletwa A-Bawng-Tha khua pawng ah a ummi AA ralkap umnak hmun ah Myanmar ralkap LIB 275 nih ralhmai ser in an luh caah minute zei maw chung kah dohnak a chuak, kahdohnak a dih hnu zongah.

Myanmar ralkap nih zaanlei tiang hriamngan kahthlorh in an kah ” tiah AA in chimnak nawlngeitu U Khai Thu Kah nih BBC ah a chim. Kahdohnak a chuah hlan ah ralhrang cawlcanghnak cu a luan cia Sikpar 2020 hlan deuh ah Arakan ramkulh ah ralhmai sernak a tam tiah AA lei nih an chim. Hi ruangah kahdohnak a fak chin kho mi a si tiah.

AA nih khuami ralrinnak an pek hna. Ralhrang lei chimnak nawlngeitu Zaw Min Tun nih a luancia 19 Biangreithlep i thawngfianhnak ah Arakan ramkulh chungah AA nih kahdohnak tuah dingin an kan sawm tiah a chim hnu ah a tu bantukin kahdohnak a chuah hi a si. Nizaan kahdohnak kong he pehtlai in kaphnih in thawngthanhmi zeihmanh a um rih lo. The Lairam Times

A dang relchap. Myaing peng Saikaung khua ralhraang nih luh hnawh in an khangh ca ah PDF nih an kah hna. April 28, 2022. Magwe ramthen, Myaing peng, Saikaung khua cu council ralhraang le Pyo Saw Htee pawl nih April 28 zing suimilaam 11:00 hrawng ah an luhhnawh hna i khuami inn le zuatkhalhnak inn pawl an hrawh tiah tualchung mi nih Khit Thit Media ah an chim.

Ar zutnak inn zong an khaangh. Ti khonnak hmanh an ngan lo an thluk dih tiah kan theih. Ral hraang hi 70 hrawng an si tiah kan theih” tiah tualchung mi pakhat nih a chim. Council ralhraang pawl cu PDF nih an rak kah hna i kaphnih kar kahdohnak a chuak tiah tualchung mi sin in kan theih.

Hriamngan le hriamhme he an i kap. PDF an rak phanh in kahdohnak a fak tiah kan theih. Atu cu a dai cang” tiah tualchung mi nih Khit Thit Media ah chim. Atu lio cu khuami himnak ah an i dor chung a si caah mei a mit cang ko nain a rawk mi pawl cu kan hngal kho rih lo.Source: Khit Thit Media. Th eHakha Post ah lak chinmi a si.