Farkawn Ralzam Au Aw Cu Rak Ngai Tuah U Ngaihchia A Si Ko

Khah! Laiholh tein a si caah tial, ding tampi a um lo. an aw hi rak ngai u. Duh cung t hah bantuk in kan thah ve lai an ti cang. Rak ngai. Cred. Global Chinland. VIDA dang relchap. Australia Auhnak Tuah Tikah. Voi tam-ial ka tial cang (Ka page ah zoh khawh a si) nain naihrawng kan hmuhton mi tete ruangah chimfian hau than in ka ruah caah. VIDEO

Tlawmpal ka van com than. 2013 hnu in Lai/Chinmi tam deuh Australia kan phaknak cu chim hau lo in Special Humanitarian Program (SHP) visa timi Subclass 202 Visa a si. Hi VISA in auhnak tuah tikah Offshore Humanitariann VISA 842 Form le Refugee and Special Humanitarian Proposal Form 681 phit (fill up) hnu hmunkhat ah kuat in sok mi.

VISA a si. Form 842 hi auh mi (Delhi le Malaysia khuasa) lei nih phit mi le Form 681 hi Australia khuasa nih phit ding a si. Hi Form (s) pahnih hi Australia Cozah nih kum fatin a zoh i remh awk a um mi a remh, rinh awk tha a rinh tawn, cucaah an zoh than (reviewed) hnu ah a kum le ni-caan khenhchih in Acozah Website ah a chiah tawn.

Phundang in kan chim ahcun, a hnubik an zoh than mi (reviewed) kha a hman mi, a nung mi a si. Sinain naihrawng Laimi nih Form kan tuahpiak mi hna hi tuan deuh 2018 hrawng i hman mi (a nung ti lo mi) kha nan hman tawn. Atulio ah hman ding ti mi cu October 2021 ah zohfel mi 842 Form le September 2020 ah zohfel mi 681 Form an si.

Cucaah fialtu minung nih an hngalh lo hmanh ah, fial mi (Form phitpiaktu) tal nih hngalh ah a tha. Cuhlan tawn bantukin kum fatin Ralzam (refugees) kawhauh ding milu zat hi 2022-2023 chung ca ah 13,750 a si. Hihi vawlei cung ram kip chungin a lak tawn mi hna dihlak ca a si. A tlawm ngaingai. Culak ah auhnak Form kan kuat mi hna tlamtlin lo ruang ah.

Hnon mi tampi an um theo. Cucaah Form phit tikah felfai le khunnguh a herh. Naihrawng Malaysia lei in auhnak tuah mi ca ka sin an phakpi mi an ka zohfelter than tik ah remhchom lawngte an hau (a caan ah cun a thar bak in tuahpiak than an hau). A hlei in Part D – Family Background, Part E – Links to Australia le Part L – Assistance with this Form ti mi.

Chung khi an si. Part L hi Part I – Language and Education he pehtlaihnak an ngeihter caah, Part L zawn i, hi form phitnak ah bawmtu na ngei mi hna khi, English Language Codes an chiah mi 1, 2, 3, 4 he zohchih a herh. Micheu nih Codes 4 nan thimpiak hna nain, hi form phit ah ahohmanh bawmtu ka ngei lo, keimahte in ka tuah kan ti, hinih lih kan chim a langhter.

Hiti ka chim tikah a hngal hlei lo a thiam hlei ka van lo sual hnga, phundang in lakpiak loin, ruahchannak tampi le chawva dih in kan tuah mi a si tikah, kan tuah mi tlamtling lo ruangah chunmang purh lai ka phan caah a si deuh. Kan ram ralhrang uknak chiatkhat ruangah Delhi le Malaysia lei ah kal in hi.

Humanitarian Program ruahchih bu he UN a sok mi tampi nan um i Temporary Card aa tlaih cang mi le CRC card aa tlaih cang mi tampi nih nan sok cuahmah lio a si caah siaherhnak he ka van tar mi tu a si ti hngalhpiak ka duh ko. CRC le UN Temporary Card tlaih mi sok khawh a si maw, tiah a ka hal mi zong nan thahnem ngai, a hngal cu ka si lo.

Nain mithmuh kut-tongh in a tuah mi zeimawzat a hlawhtling mi an um ti cu el khawh lo a si fawn. A dang relchaop. Tedim Ah CDM A Tuahtu Siangcachim 2 SAC Ralkap Nih An Tlaih Hna! Chin ramkulh Tedim ah, nihin June 3 chunhnu suimilam 2:00 hrawng ah CDM a tuahtu siangcachim 2 cu SAC ralkap nih an tlaih hna tiah theih a si.

SAC ralkap hna nih cun motor 2 he Tedim khua ah CDM cawlcangnak a tuahtu siangcachim hna cu an kawl hna. Tedim khua Sakawlam sang ummi, middle school cachimtu pa pahnih cu SAC ralkap nih an tlaih hna i, an kalpi hna tiah sangchung ummi pakhat nih a chim. An umnak inn ah luhhnawh in bia hal ding kan in ngeih hna an ti caah.

SAC ralkap nih an auh hna i an kalpi hna. Ralkap cheukhat cu uniform hruk lo in civil thuam he an si, tlaih a tongmi cachimtu pahnih cu khoika an kalpi hna kan hngal lo,” tiah Sakawlam sang ummi pakhat nih a chim. .

A dang relchap.  Chin ramkulh Kanpetlet peng ah hmunkhuar mi ralhrang nih 1 Pur ah Kanpetlet khuami Pu Ki Tam (kum 29) cu an tlaih i an thah, a ruak chungkhar sinah an pe duh hna lo tiah theih a si. Lai phunglam bantukin a nau thitumhnak caah Saw peng ah vok a va kawl i a kirlei ah Kanpetlet checkgate ah an tlaih i an thah hi a si.

A nih hi a vanchia ngai, chungkhar a dirhnak zong a sau lo, a nau caah Lai phunglam in i thitumhnak caah Saw khua ah vok cawk dingin a kal, hi caan ahhin a nau phone aa rawk mi cu Saw ah va remhpiak dingin a ken, cun a mah he hmunkhat ah a kalmi minung 2 zong an tlaih hna nain an thlah than hna.

Anih cu biahal ding kan in ngei an ti caah GAD zungah an auh i an thah ” tiah Kanpetlet khuami pakhat nih a chim. Nunnak liammi hi a ruak la kho dingin Biaknak lei le ukhruainak lei nih an hlathlai tikah a ruak pek te dawh a si lo. Nunnak liammi hi Mindat khuachuak a si i, Kanpetlet ah a thaisung nu le a fale pahnih he dum a tuahmi a si tiah theih a si.

A dang relchap. Nun thap in kan ram a kilvengtu hna bawmhchanhnak caah Melbourne khuasa Lautu mino hna nih Concert tuah an timh. Hlasatu hna zong Melboure um Lautu mi chungin hlasak thiam upa le mino cawh in an sak lai. Hi concert ah hin Lautu hla lawng sak a si lai i, kan miphun chungin ringawn a rak thiam hmasami.

Kan nu le pa hna i an hla pawl tam deuh sak a si lai. Cun chanthar mino hla zong aa tel chih thiamthiam. Tutan kan concert cu Fund kawlnak ca lawng si loin Lautu miphun hna nih kan i ngeihmi hlan hla thatha hna hi chanthar fanau sinah tharchuah than le mino hna nih bia le hla a ngeimi miphun tling kan si nak.

An i fian deuh nakhnga zong timh chih mi a si” tiah tuanvo ngeitu hna nih an chim. Fund kawlnak a si bantukin Ticket cawk in zoh a si lai i, eidin phunphun zong an zuar chih lai tiah theih a si. Kan dihlak in thaazang pek izuam cio hna u sih. A caan le hmunhma cu a tangah zoh khawh a si. CBN daily news.