Gospel Singer Biak Men Sung Nih Love Song Asaknak Cu Khuaruahar A Si Hoi Ko

Gospel singer a si mi Biak Men Sung hi Love song rak sa lengmang sehlaw fak tuk in a lar ding a si. Lovesong he pei a aw ai rem hi. A  Action hrim hi. Rak zoh cio tuah u. A mak lawlaw.  Atu a lovesong sakmi hi a thaim tuk hi te. A aw he aa rem taktak si. Nan ti cio ko lai. Video timi ah hin hmet law a um lai.  VIDEO

A dang relchap. Lawngtlai, 25 Chiapa 2022 : Lai ramkulh, Hakha, Mie peng Hniarlawn khuami Salai Mang Lian Sang (kum 24 hrawng) cu Hniarlawn khuachung lila ah ralhrang nih an kah i hmunri ah a nunnak a liam colh. Kan nih cu chun deuh khan kawl ralhrang pawl kan khua panh in an rung ti thawng kan theih caah.

Ramlak ah kan zaam, amah zong a zaam ve cang ko nain ngakchia a hrengmi an um ti thawng a theih caah lak dingin a kal i, tu bantukin vanchiatnak a ton hi a si. A ruak zong khuami nih an fimhlawm i, ralhrang bal Hakha lei ah maw an kal, Nabual lei ah maw an tum, Hniarlawn Thar lei ah dah an kai kan theih lo tiah khuami pakhat nih a chim fawn.

Khuami an tlaihmi hna zong an um i, a cheu nih minung 2 a ti na minung 1 a ti na an si, asinain ho zet dah an tlaih timi a min fianghlang in kan hngal lo tiah a chim chap. The Lairam Times. Mizoram Chungah Rihai Sii, Hmuhning, Salai Thang Myanmar ramchung buainak a chuah hnuah le Laitlang ( Chin State) ah kahdohnak a chuah hnuah.

Lai miphun thong sawm leng cu innpa ram a si mi India, Mizoram hna ah i dor in khuasak a si, India Center cozah nih ralzaam a cohlang lo nain thisa tlai a simi Mizoram cozah le mizapi nih lungtho thanuam te’n an kan cohlan mi cungah lunglawmhnak a ngantuk hringhran, an caah thlazacam daithlang hna hlah usih ti kha a hmasabik ah van chim ka duh.

Myanmar ramchung ramkulh le ramțhen ah kahdohnak a chuah hnu in hriamnam cawknak caah Lai miphun leikil deng khuasa hna nih mitkuh cim lo in an țuanhawl mi chung in hriamnam cawknak caah ( ralhrang rialdip uknak hlohnak caah) an thawhmi in hriamnam cawk a si, voi tampi cu Assam ralkap nih an tlaih.

Mizoram palek tu nih cun tlaih awk ah an ruat lai lo, zei ca’h ti ahcun an lungthin taktak in a kan țanpi tu an si, Myanmar ralhrang a dirkamh i hriamnam lei siseh thil dangdang a bawmchantu cu Russia, China, India hi an si caah, Mizapi hriamtlai thilri zong India ralkap Assam pawl nih an tlaih lengmang nak zong hi a si.

Nihin kan boruak sining kan zoh tikah Myanmar ramchung lei in rithaisii luhpimi an tlaihmi cu Online chungah rel cawk lo in a um lengluang, cucu Myanmar, Chin State in luhpi mi a si tiah ti a si, asinain an min an langhter ning ahcun, Chaklei Laimi nak in Thlanglei Laimi an tam ngaingai, Kalay Tahan Mizo mi zong an i tel kho men.

Cucu zeidang ah siloin an ” Min ” nih a fianter ngai ko tiah ka ruah. Mizoram ramchung ah ralzaam dirhmun in minung thongsawm leng um a si, cutikah rithaisii a phormi minung pakhat hnih ruangah ralzaam zei sualnak ngeilo mi mitha le, Biaknak, zatlang bu ah a pumpemi hna țiang mithmai ngei lo in um a si.

Ralzaam kan si an kan theih, ramchung lei in siithalo tampi an luhpi mi tlaih a si tikah mithmai cu a hngal lo ngai te. Phungthluk ah ” Kheng pakhat chung ah nga tampi an um ko nain nga pakhat a țhut ruangah an dihlakin an țhu dih ” ti a si bang, mi pakhat hnih nih țhilthalo tuah ruangah aa pehtlai lo mi minung.

Nausem tiang nih an țuar lai dingmi hi phan a um ngai ngai mi a si. Ramchung ah kan him ti lo ti ruangah ram innpa ah aa dormi kan si, kan ram a si lo, mah duhning in khuasak awk kan tha lo, mah miaknak mitlawng ruat lo in ka tuahmi nih ka miphun hawi min a chiatter sual maw, mithmai a bitter sual maw ti hi ruat usilaw.

Midang nunnak caah santlai a si lo mi le nun hrawhnak a simi țhilthalo tuah cu ngol cang hna usih. Ramkulh cozah, Biaknak, Zatlang bu, NGO hna nih tamhal in an um sual lai, an sia a rem sual lai lo, an umnak deu a zut sual lai ti’n le an ram ah hnangam te’n thutdir dingin an kan ti ko, cozah le zatlang bu.

Khuami dohmi rithaisii zuarthlainak tuah hrim hlah uh tiah ralzaam Camp hna ahcun khuabawi le zatlang hruaitu nih an chim hlei ah tlangau nak zongah vengchung mizapi nih riathaisii an zuar ahcun vengchung in țhawl an si lai ti zong an au, hi an au mi hi ralzaam mi an kan ti hnawhchan bik a si hlei lo, an khuatlang cio runvennak caah a si.

Nikhat hnu nikhat rithaisii tlaihkhih a tam, Khuami mizapi an ai puang, an mawh hrim lo minung nunnak a hrawk khotu thil pei a si fom cu, țhawldawi hna tong usihlaw, khoika ahdah kan i dor hnga? kan inn kan lo kan nunnak tuak cio usih, cucaah minung pakhat ruangah Miphun hawi thongsawm leng nih nun tuar lai dingin nan ruat kho maw?.

Ramchung mizapi hriamtlai zong nan biapi ve in a lang, nanmah le nan uknak nan tlaihnak hmunram ah aa chawkletmi hna zohfel daithlan lo a biapi ngai, khuate khuami hna nih Zu kan khap piak u an in ti hna, nan khap khuami an hna a ngam ning, khuachung ah buaibai nak a um lo, an mitkuh a thaw.

Asinain caan rau lo teah nan van dorh than tikah zurit le buainak a tam, Lai zu tu cu onh awk a si, ( din zia bal thiam ding) zu khap ruangah le cawknak ngeih lo ruangah kuttawlnak tiang a dingmi an um kha, cucaahcun minung hawi caah nunnak tiang a hnorsuan mi țhilthalo cu chawlehnak ah hmang hram hna hlah usih.

Mizapi ralzaam nunhimnak ding caah le hnangam in thutdir khawh a si nakhnga, ramchung mizapi ralkap nih mahle hmunram tha te’n zohfel a biapi, nulepa zong nih fale chimhhrin zia thiam hna usihlaw, mah pumpak chawlehnak ruangah mizapi miphun hawi harnak pe hna hlah usih. Innpa ram ah hnangam in kan i dor khawh nakhnga rithaisii kham hna usih. TheLairam Time