Hakha Khuapi Palik Sakhan Ah Tu Hi Meithal Le Bomb Thawng

Chin ramkulh, Hakha Pyitawthar Sang Palik Sakhan Ah Bomb Thawng Le Meithal Puah Thawng Pehtlai In A Thang. Bomb puahnal pawngkam a ummi pakhat nih, “Nihin August 2 zanlei sml 3:15 hrawng in palik sakhan in meithal thawng le bomb thang a thang. A thawng a than tuk caah kan i thup. Kan lau tuknak ah kan tha zong ther dih,” tiah The Chin Post ah a chim.

Meithal le bomb thawng hi minutes 10 chung hrawng a thang i, a dai ṭhan. Bogyoke lam thluan dawr vialte zong an khar ngawt dih tiah theih a si. Sakhan in puah thawng a daih hnu, zanlei sml 3:45 hrawng in Hakha thar gate ah meithal thawng le bomb thawng pehtlai in a thang ṭhan tiah theih a si.

“Zanlei sml 3:45 hrawng in a puak i meithal le bomb thawng cu pehtlai in a thang ko. Atu hi inn tang ah kan i thup ko. Zeiti tuah awk le um awk kan hngal lo,” tiah Bomb puahnak pawngkam ummi pakhat nih cun The Chin Post ah a chim.Cred. The Chin Post. The Chin Post Kan Konglam Tlawmpal. The Chin Post.

A dang relchap.Ccu ram a buai hnuin Mizoram khuapi Aizawl ah hrambunh in nikhat voihnih muilang thawngchimnak kan ngei peng. Atu tiangah thlahhlawh pek in caantling rianṭuantu 11 kan ngei hna. Aizawl ah 5, Sangau ah 1 an um. Cun Camp Victoria ah pahnih chiah kan timh hna i a rauh hlanah an kal cang lai. Hmundang ah a ummi zong an um!

Kan hnulei ah kan rak thanh cang bangin US ah TCP Dirkamhtu Committee kan ser cang. Cun naite ah US lei thawngpang le thildang dang ah a kan bawmtu ding TCP Team USA zong kan ser cang i cu hna cu Indianapolis ah a ummi Abisak Van Hnem Sui, Lily Shwe, Florin le Lian Hnin Thang hna an si.

Camp Victoria ah rianṭuantu kan chiah hnanak a ruang cu CNF/A le CDF hna he ṭha tein pehtlaihnak tuah i mipi nih theih awk a ṭhami an thawngpang tling tein ṭial le chim khawh nakdingah a si. Cun Camp in Weekly Journal chuah kan i tim. Journal chuah ding hi Thantlang peng Internet a ngah lonak i.

A ummi khua hna nih kan chuahpiak kho ulaw a ṭha tiah an kan ti caah chuah kan i timhmi a si. Ralzam hna umnak, kan miphun ralkap hna umnak le khuakip ah ramleng lei in man fawitein hlut khawh a si lai. Ram buai lio a si caah ramchung hmunkip ah thawnglatu kan chia kho hna lo. Cucaah tualchung thawng he pehtlai in.

Mipi bawmhnak le ṭanpinak kan herh tuk hringhran. Na pawngkam ah a cangmi zeibantuk thawngpang paoh pek khawh peng kan si. Na kan pekmi thawngpang zoh in retheih man zong kan in tuah hna lai. Hmanthlak le video hna aa tel ahcun remtheih man a sang lai. Kan page The Chin Post le The Chin Post TV ah khin thawngthanh khawh peng kan si ko.

Atu tiang kan rianṭuannak ah chambaunak tampi kan ngei ko, kau deuh le tlamting deuh in rianṭuan kan i zuam cuahmah ko. Mipi zong nih nanmah le ti khawhnak zawn cio in kan dirkamh ve hram u tiah kan in sawm hna.Salai CP Lian CEO