Hakha Thar Le Ministers An Umnak Inn Pawng Kahdohnak

Hakha Thar Le Ministers An Umnak Inn Pawng Kahdohnak. Nihin August 10 Kahdohnak Ruang Ah SAC Ralkap Hakha Sii-inn An Phan! Nihin August 10 Hakha thar le Ministers an umnak inn pawng kahdohnak ah SAC ralkap hliamhma pumi cu Hakha sii-inn ah an kalpi hna, tiah kan theih.

Mithmutu pakhat nih, Zing sml 9:00 hrawng ah i kahdohnak a chuak. Meithal thawng le bomb thawng zong voi tam ngai a thang. Kahdohnak a daih hnuah hliamhma pumi SAC ralkap cu, Hakha sii-inn ah an ratpi hna,” tiah The Chin Post ah a chim.

SAC ralkap Motor ngan pakhat nih, hliam pumi pahnih cu a ratpi hna. An thilthuam an phoih hna i, thuam sawhsawh an hrukter hna. Siibawi pa nih hliamhma pumi ralkap pahnih cu, khuai hlainak(Operation) a tuah hna. A rak thlahtu ralkap hi 10 leng an si lai, tiah a chimchap. Cred. The Chin Post

A dang relchap. Rihkhawdar Kahdohnak Ah Ralzaam Pakhat A Thi, Pathum Hliam An Tuar! Chin ramkulh, Falam peng India-Myanmar ramri khua, Rihkhawhdar No.2 sang i Ṭio tiva kam tlangcung ah a ummi SAC ralkap.

Le tualchung hriamtlaibu hna cu tuzing August 10, zinglei 5 in 8 tiang an i kap, tiah theih a si. SAC Ralkap hna cu Rihkhawdar No.1 sang ah a ummi an hawile nih hriamngan in an bawmh peng hna i hriamngan kuan pakhat cu.

Khuachung ah a tlak caah Kalaymyo in a rami ralzaam pakhat a thi i khuami dang pathum zong hliam an tuar, tiah theih a si.Rihkhawdar No.2 sang ah a ummi mizapi hna cu an dihlak ti awk in India lei kap ah an zaam dih i ramri hlei kam ah.

A ummi hna lawng an zaam lo, tiah theih a si. Cred. The Chin Post. A dang relchap. Chin ramkulh, Hakha ah nihin August 10 ah kahdohnak a chuak, tiah theih a si. Hakhar ummi pakhat nih, “Nihin zing sml 9:00 hrawng in.

Ministers umnak inn pawng le Hakha thar Meithat zung pawng hrawng in an i kap. A thawng thang tuk i kan i thup dih,” tiah The Chin Post ah a chim. Meithal thawng cu voi tam nvai a thang. Rianṭuan ding in aa thawh mi hna zong.

SAC ralkap nih an kham dih hna. Atu cu a dai cang ko, kahdohnak a daih in ralkap cu lam ah an um i, mipi cu an check rih lo. An i kah dih hnu zing sml 10:34 in hriamngan thawng cu voi li hrawng a thang, tiah a chimchap. Ref. The Chin Post

A dang relchap. Salai R. Lahnim. Lairam (Lai Autonomous District) kan timi hi Sixth Schedule to The Constitution of India tangah kum 1972 khan a hung chuak, a ram bitkauh hi 1871 sq km a si. Lairam Cozah Local Administration.

Department nih 2020-2021 chung i data a langhter ning ah cun Village Council (VC) 95 a um, Sub Village Council (SVC) hi 7 a um. Lairam chungah a ummi dihlak milu hi 103,474 a si. Hi chungah nu 52,095 le pa 51,379 an si.

Pa nak in nu an tam deuh tinak a si. Minung 103,474 chungah minung 79,500 hrawng hi Laimi ai si i, a dang cu Bru, Chakma le miphun dang an si hna. Khua (VC) 65 hi Laifa (Halkha, Mara, Bawm, Pang, Matu, Zophei.

Lautu, Zotung, Khuafo, Khumi etc) umnak a si. Khuate ( SVC) 2 ah Lai hrinsor an um ve. Khua (VC) 95 ah 17 hi Chakma khua a si, khuate (SVC) 2 hi Chakma umnak a si fawn. Khua (VC) 16 ah Bru an um, khua ( SVC) 1 ah an um fawn.

Chakma le Bru i zat in an umnak khua (VC) hi 2 a si, cu bantuk thiamthiam cun khuate (SVC) 2 a um fawn. Hi minung 103,474 lakah Laifa tlangholh Halkha holh hmangmi hi zatuak ah 18% hrawng an um.

Lai hrinsor holh (Bawm, Pang, Tlanglau, etc) hmangmi he hin zatuak. ah 23% hrawng an si lai tiah ruah a si. Minung 103,474 lakah Bru holh hmangmi zatuak ah 11% hrawng an si, Chakma holh hmangmi zatuak ah 11.50% hrawng an si.

Lairam chung ah hin Rakhine holh le Kawl holh hmangmi tlawmpal an um. A dang zatuak ah 50% hrawng cu Chin hrinsor Zo holh a hmangmi an si. The Lairam Times