Laimi Hizawn Te Hi Cu Fakpi In Ralring Usih

Sayama Ram Tang chimmi rak ngai dih u. Laimi nih fakpi in I ralring cang u sih. Sunparnak le upatnak, Thangṭhatnak sangbik hi Pathian ta lawng a si. Upatnak kan in pek ti khi a za ko. Upatnak Sang bik kan  in pek ti cu kan ti awk a si lo. Ziknawh Le Eihmuar A Loh Khawh Nakhnga. Eihmuar lawng hi doh ding a si lo. VIDEO

Ziknawh hrimhrim hi a loh nakhnga doh ding a si. Ziknawh le eihmuar an i doh tikah a pahnih in an lo. Europe ah si seh, nitlak lei ram cheu khat ah. Siseh atu kan umnak ram Norway ah cun mi va eihmuar cu chim lo, pakhatkhat tuahnak kong ah tangka na pek sual hna ahcun i laak cu chim hlah a petu kha ziknawh na ka timh tiah report.

I palik nih tlaih colh a si. Cabuai cungin siseh. Cabuai tangin siseh a thli tein kut zao na timh ahcun nai ruah lo piin thonginn na phan lai. Mi pakhatkhat cu palik nih a tlaih, tangka a hal i a thlah. Tangka petu nih palikpa kha tangka a ka hal tiah report a tuah colh i an tlaih ve. Cun palik pa kha ka thlah law tangka kan pek lai a ti si ahcun.

Ziknawh na ka timh tiah thlah colh ko ding hmanh kha thlah ti loin an tlaih beh. Cucaah cun hika hin cun ziknawh zong ngah lo i eihmuar zong a ngah lo. A pahnih in an doh. Company pakhatkhat ah maw rian na sok hnga i na hmuh khawh nakhnga tangka pek na timh hna asiloah na pek hna ahcun nang cu auhmi ah nai tel ti lai lo. An in zaangfah lo ahcun thonginn ah na kal colh ko lai.

Kan tuah hlan in kan pekmi cu ziknawh a si i, ai laak ahcun eihmuar a si ve. Kan tuah khawh hnu i kan pekmi cu lawm man, laksawng a si. Ziknawh zong a si lo i eihmuar zong a si lo. Cucaah cun ziknawh le eihmuar a tlau i a loh khawh. Nakhnga eihmuartu kha ziknawhtu nih doh i ziknawhtu zong kha eihmuartu nih doh ve a hau.

Ziknawhtu he eihmuartu he an pahnih in an i do lawnglawngah an tlau lai i an um ti lai lo. Ziknawh le eihmuar timi a um ti lai lo. Ziknawh le eihmuar an i do tikah a pahnih in an lo. Dinnak kha a cat lomi tiva bantukin luanter camcin ko u (Amos 5:24). Salai K. Biak Lian Thawng. a si hi. Model tak a si. A lanh lonak a sau cang. Rak zoh than ta cio u. Uar a um bak ko.

A dang relchap. Lawngtlai, 12 Hniang 2022 : Myanmar ram ah ralhrang nih nawlngeihnak an lak hnu in, inn le lo chuahtak ruangmang in Mizoram ah aa dormi ralzaam mizapi hna kuat than dingin Myanmar ralhrang le India caihhmainak an ngei tiah cazuang pholanghmi ah langhter a si. Ralhrang Foreign Affair Minister.

U Wana Maung Lwin nih 5 Hniang nithla khenh in ralhrang zungah a kuatmi catlap chungah Myanmar ram lei in India ram lei ah a lutmi hna, phungning loin a țhudirmi hna thawngpang a um ahcun Myanmar lei ah thawngpang țhanh dingin Foreign Affair Ministry, Myanmar – India palai hna 26 Chiapa i tonnak an ngeih ah a chim.

Hi kongkau he pehtlai in Myanmar ralzaam kuat thannak ding kong ah, Mizoram cozah nih Kolkata ah a ummi Myanmar Consular zung ah theihternak ca a kuat tiah an langhter. Mizoram cozah nih cakuat an țialmi i an langhtermi cu Myanmar ram humhimnak sining ruangah umhmun zaamtak mi Myanmar mi an nun hunhim ding a herh caah.,

An umnak i kuat than ding cu thil si kho a si lo, an nunhimnak ding le a dang a herh baumi bawmhchanhnak an herh tiah an langhter. Myanmar ram ah 1 Nohawng 2021 i ralhrang nih nawlngeihnak an lak hnu in Myanmar ramkulh le ramthen in minung nunhimnak ding caah India ram nichuahlei Mizoram ramkulh ah i dor in an zaam hna.

India ram hi ralzaam kong ah minthutnak a tuahmi a si lo caah Mizoram i aa dormi hna cu khirh hna dingin nawl a rak chuah ko nain Mizoram cozah nih a cohlang nenmam lo. Cun Mizoram Chief Minister Pu Zoramthanga nih kan ramchung i a rak i dormi ralzaam hna cu an umnak ah kuatthan an si lai lo tiah India.

Centre cozah sinah lehnak a tuah i, nihin tiang ah Mizoram ramchung ah ralzaam camp sakthar mi a um peng. Mizoram cozah nih Myanmar Consular zung ah theihternak ca a kuat le kuat lo Mizoram cozah lei nih thanhmi a um lo. The Lairam Times.