Sagaing Peng Ah Tualchung Mi 15 Ralphaw Ca Tlaih An Ton Hnu Ah An Thah Dih Hna. Sagaing ramṭhen, Sagaing peng Tadai khuami minung 25 cu SAC ralkap nih ralphaw ca ah an tlaih hna hnu ah an thah hna. Thah a tongmi ruak kan hmuh tiah tualchung mi hna nih an chim.
March ni 1, zanlei ah rallam sialtu SAC ralkap hna cu Tadai khuachung an phan, nihin March ni 2 zinglei rallam sial an chuah ah khuami 15 cu ralphaw ca ah an tlaih hna hnu ah lampi ah an thah hna, an ruak zong an hlonh ta hna tiah theih a si.
“Tadai khua in a chuakmi SAC ralkap nih tualchung mi minung 15 an kalpi hna hnu Myinmu peng Nyaungyin khua phanh hlan Hai dum chung ah minung 5 cu fak tuk in an thah hna. Fak tuk in thah a tongmi minung 5 hna hi kum 34 in kum 47 kar tualchung mi an si. Ralphaw ca ah tlaih a tongmi vialte cu an thah dih hna, minung 5 ruak hmuh a si hnu ah Nyaungyin le Muwa khua kar ah minung 8 ruak kan hmuh ṭhan, a dihlak ah kan hmuhmi hi ruak 13 a si i, a taangmi 2 zong kawl cuahmah an si” tiah tualchung mi pakhat nih a chim.
Tadai khua cu inn 78 khuasaknak khua pakhat a si i Ayeyarwady tiva le Moe tiva aa tonnak Sagaing ramṭhen Sagaing peng ah a ummi khua pakhat a si.
A dang rel chap -Karenni ramkulh Bawlakhe peng chung ah a ummi SAC ralkap hriamngan chiahnak sakhan cu doh in chuh an tong, SAC ralkap 10 an thih pin ah hriamngan 120mm telh in meithal 11 le kuanfang tampi kan laak tiah Karenni lei nih an thanh.
February ni 27, zinglei suimilam 6:30AM hrawng ah Bawlake peng chung khahlahyiah 135, khahlahyiah 54 le Artillery no.360 hna nih hram an bunhnak no.1441 sakhan 2 cu KA battalion 1, battalion 5 le KNDF phufonh nih ruahlopi in an luhhnawh hna, hriamngan chiahnak sakhan pakhat cu minutes zeimawzat chung ah fawi tein an laak khawh tiah theih asi.
Cu sakhan in hriamngan 120mm, 9mm meithal 1, RPG-7 hriamngan 1, machine gun 1, MA-2 meithal 3, MA-4 meithal 1, a min theih rihlomi meithal 2 le bomb, kuanfang hna kan laak khawh. SAC ralkap lei in a thimi minung 10 ruak kan hmuh tiah an thanh.
A pakhatnak sakhan laak khawh hnu zinglei suimilam 8:00AM hrawng ah a pahnihnak sakhan laak ding in kan i timhtuah lioah SAC ralkap nih jet fighter 5 le machine gun, bomb hmang in an kan kahdoh caah hnu kan tolh ṭhan. SAC ralkap nih vanlei in kahdohnak fak tuk in an tuah caah KA, KNDF chungtel nunnak liammi zong an um i minung 15 nih hliamhma an tuar, SAC ralkap sakhan ah laakmi hriamngan 120mm zong an kaltak” tiah Karenni phu in ṭuanvo ngeitu pakhat nih a chim. Crd – TCP
A dang relchap. Tulio kan dothlennak linhsat cukmak lio ah miphun runvennak le ralhrang(kan biaknak hrawh a timtu le hramhram mithattu) doh ding hmalak cukmak lioah dothlennak kong thinlung pialter duhah “Khamhnak tlau le tlaulo kong a buaipi mi hna!!!!
Nan kut nih a tlaih i nan mit in nan zoh i nan thinlung in nan rel duh/sunhsak tukmi Isreal miphun le an ram kong nan chim ahcun kan biak Pathian kong chim tluk in an thawht hna. An ram ţhanchonak, an miphun Pathian nih a ven hna ning le fimthiamnak lei an sanning nan chim ah nan ka a hei thawt ning.
Asinain cu nan upat tukmi le nan uar tukmi Isreal nih an miphun le ram himnak caah ” An ram hruanak le an biaknak(Judaism) ţhenawk ţhalo in aa ngerh ning, an ram hruainak nih an biaknak a kilven bang an biaknak phung nih an ram a kilven ning” hna cu nan chim ruam loh i nan i theihter ruamloh.
Cu rualrual in Chin miphun le ram kong chim ah cun kannih cu “Biaknak lei kansi, ramkhel kong cu biaknak he aa ralkah” nan ti. Miphun rian le ram khel rian khi nan hei cawhpolh nain sinak kongah ţhutdan khel vial ah ţihbah nung.
Cuchap ah “Khamh tlau le tlaulo kongah nan hei buai cutmat i nan biaknak hlohral a timtu le nan biaknak a thawpi asimi Miphun pi rian vial ah “Ramkhel rian cu kan i thlak ding asiloh tiah miphun rian kha ramkhel ah nan hei twisted hoi.
Asi te nan siloh. Khamh tlau le tlaulo kong ahcun OT le NT lutaw nan hei thai nain miphun rian vial ah NT i Jesuh cawnpiaknak {mi nih na orhlei bel an in bengh cun na kehlei kha va chit rih hna timi} pin nan kar hlang duh hoiloh (ralchiat tuk bia).
Kei cu hi bantuk minung hi “Piangsual” kan tihna. Miphun kong rian ah i pianthar ter ngai in “Biaknak lei kasi” aa ti i Khamh tlau le tlau lo ah a buai mi, Isreal an fimthiamnak le an ţhanchonak le Pathian a thluachuah an dawn ning hei uar ngai i “an biaknak le an miphun rian ţhen khawhlo in an kalpi mi tu hei i hngalhter lo phun piangsual. Khah! tulio online piangthar sin ka zai ta. Cred. Peng Hlawn Ceu Cun nihnih ah an phan lai. Rak kan leng u.
A dang relchap. CDF-Kanpetlet nih SAC kuttang riantuantu hna cu ralrin an pek hna!! 2021 February 1, SAC nih hramhram uknak an lak ni thokin, Kanpetlet peng chung mipi hna nih SAC uknak cu kan cohlan khawh lo caah, belkheng tum in siseh, lamzawh in siseh, cozah riantuantu hna nih an rian kaltaakin.
CDM an tuahnak in siseh, mipi hna nih a phunphun in duhlonak kan langhter. Cu duhlonak langhter in lam a zawhtu mipi hna cu hriamnam hmangin a kan thenthek dih caah, CDF-Kanpetlet nih hriam kan i tlaih i, SAC cu kan doh hna.
SAC nih hin an uknak a hmunh khawhnak ding caah, ramkhel, ukhruainak le thanchonak timi tlangtar bunh in Kanpetlet khuachung ah riantuan le cawlcangh an i zuam caah inn hra uk, inn za uk tiin khuabawi minung 19, meilei in minung 7.
Red cross in 7, a dang minung 13 hna cu an riantuan dingin tuanvo an in pek hna pinah a herh ah cun hriamtlai ding tiang in tuanvo an in pek hna cu kan theih i, cu SAC rian a tuanmi minung zong fiang tein kan in theih cang hna.
Cu caah, CDF-Kanpetlet nih mipi caah nunnak a petu ralkap, tlaihkhih le thah a tongmi kan mipi hna caah, cu SAC he riantuantu nan dihlak a ra laimi October 15 tiang kan in hngah hna lai i cu chung ii CDM tuah duh loin pehtlaiin SAC kuttang riantuantu poh cu kan in hmuh hna nak poh ah a herh ningin hma kan in lak hna lai CDF-Kanpetlet nih nihin September 29 ah cathanh an chuah. The Chin Post
A dang relchap. Puahkehnak A Chuahter Khotu Thilri Le Minung 3 Cu Mizoram Palik Nih An Tlaih Hna Mizoram, ramkulh Aizawl khuapi in a chuakmi motor hna cu Serchhip palik phu nih Sailiamkawn check gate ah nihin August 10, zinglei ah an check hna i, culio ah cun motor pakhat chung ah puahkehnak a chuahter kho mi thilri tampi an tlaih, tiah theih a si.
Mizoram palik nih cathanh an chuah ning ah, motor pakhat chung ah cun Gelatine Neo Gel- 7800, Detonator 4063, Fuse 700 meters le motor khaltu Sanglianthanga leng ah motor a zultu Hakha peng le Thantlang peng in Pu Pasui le Van Cung Nung cu an tlaih hna, tiah theih a si.
