Ngaichia Tuk A Si Rak Ngai U

Biachimtu nih a timi cu kanrak theihmi le a takin kan tonmi hi ai dang tuk i a tak in ralzam pwal kan vun ton tikah USA hna kan tlun tikah kan i chawk  ngam lai maw? Ei le in dawr han hi kan leng  ngam hnga maw ti tiang a chim. A ruang an harsatnak pawl kh atak in an hmuh tikah ngaichia tuk a si. An chimmi video timi hi hmet u.  VIDEO

A dang rel;chap. Myaing peng Saikaung khua ralhraang nih luh hnawh in an khangh ca ah PDF nih an kah hna. April 28, 2022. Magwe ramthen, Myaing peng, Saikaung khua cu council ralhraang le Pyo Saw Htee pawl nih April 28 zing suimilaam 11:00 hrawng ah an luhhnawh hna i khuami inn le zuatkhalhnak inn pawl an hrawh tiah tualchung mi nih Khit Thit Media ah an chim.

“Ar zutnak inn zong an khaangh. Ti khonnak hmanh an ngan lo an thluk dih tiah kan theih. Ralhraang hi 70 hrawng an si tiah kan theih” tiah tualchung mi pakhat nih a chim. Council ralhraang pawl cu PDF nih an rak kah hna i kaphnih kar kahdohnak a chuak tiah tualchung mi sin in kan theih.

“Hriamngan le hriamhme he an i kap. PDF an rak phanh in kahdohnak a fak tiah kan theih. Atu cu a dai cang” tiah tualchung mi nih Khit Thit Media ah chim. Atu lio cu khuami himnak ah an i dor chung a si caah mei a mit cang ko nain a rawk mi pawl cu kan hngal kho rih lo. Source: Khit Thit Media. The Hakha Post ah lak chin mi a si.

A dang relchap. Thlacamnak. Nihin cu thawhțhan lai rian khar, a zarh ningin rianțuan lo cu si kaw ka carelnak le ka cațialnak ka office chungah ca ka țial. A rel duhmi caah kaan hrawmh ve hna. Thla kan cam tikah hin Pathian he bia kan i ruah a si i kan duh kan herhmi kha Pathian sinah ngakchia muțhai hauh in kan hauh zong khi a si ve.

Pathian he i hawikomhnak kan ngeih a si i Pathian sinah kan sining dihlak chim le phuan a si. Cun Thlacam cu innchungkhar ca lawngah si loin Khrihfabu caah thazaang țha bikmi a si. Thlacam hi zei he dah ai lawh kan ti ahcun elektrik he ai lo. Elektrik chungah a ummi dat (Current) bantuk khi a si. Elektrik hri chungah țhawnnak dat (Current) a um ahcun.

Mei kan van khawh. Elektrik mei hri chungah țhawnnak dat (Current) a um lo ahcun plak na on len zongah mei a ceu kho lo i a mui dih. Cu bantukin cun thlacamnak nih hin Pathian le minung karlak ah pehtlaihnak le hawikomhnak thuk deuh in a țhawnter chin. Cucaah ceunak, lawmhnak, lungdaih hnangamnak le thazaang țhawnnak a kan pek.

Geogre Muller nih cun Thlarau thazaang thar ka hmuhnak bik cu nifatin baibal ca ka relmi le thla ka camnak in a si a ti. Ni 10 ka rel ah ka caah sullam thar a ngei deuh. Ni khat chungah baibal ca ka rel lo le thlacam loin ka um ahcun cu ni cu ka caah ka sungh bikmi ni a si tiah a ti. D L Moody nih ka zumhnak caah thla ka cam tawn.

Ni khat cu Rom 10 chung ka rel i thla ka cam i zumhnak thar ka hmuh a ti. Atu cu baibal ca ka rel i a sullam ka ruat, thla ka cam țhan i cu hnu cun ka zumhnak a țhawng chin tiah a ti. Thla kan cam tikah hin Pathian he a thuk bikmi pehtlaihnak kan ngeih a si i lawmhnak, hnangamnak, țhawnnak, ralțhatnak, hlawhtlinnak le zumhfehnak kan hmu.

Khrihfabu hremnak a rak um lioah fek tein an dir khawhnak cu thla an cam ruangah a rak si. Thlacamnak ngeih timi hi mi tampi caah cun a fawi lomi a si, kan lungthawh caan ah voikhat voihnih thlacam cu a har fawn lo. A zungzal caan hmaan tein thlacam cu a har ngaimi a si pinah dawnkhantu a um lengmang fawn.

Voikhat voihnih kan tlolh ahcun mi a lem i thlacam loin um pengnak a si. Sihmanhsehlaw Pathian mi hmanmi hna cu thlacam loin an um kho lo i thla an cam peng. Thlacam cu nifatin kan nunnak caah thahri le kan keng ruangruh bantuk a si. Thla kan cam tikah hin ahohmanh an thawh hlan zingkate ah cam a țha.

Arkhuar rian kal hlan Pathian sin thlacam le biak hmasa hi ai dawh bikmi a si i kan kal dingmi ni chungah a hmasa bikmi kan i thawknak ni zong a si. A reltu Bawipa nih thluachuahnak in pe ko hna seh. Amen. Dinnak kha a cat lomi tiva bantukin luanter camcin ko u (Amos 5:24). Salai K. Biak Lian Thawng.