Nihin Timit Kahnak A Thimi Zat Langhter A Si Cang

Lai ramkulh khualipi Hakha khua le Thantlang kar Timit pawng ah 30 Chiapa chun suimilam 11:30am (Myanmar) hrawng in ralhrang le mizapi ralkap fonh kahdohnak a chuak i zaanlei suimilam 2:00pm (Myanmar) hrawngah a dai tiah kan theih. Kahdohnak ah ralhrang 5 an thi i, hliamtuar mi zong an tam.

Pakhat le pakhat an i țhiar pah bu in hnu ah an pil than, Timit hlei remhnak caah an i kenmi thilri zong an kaltak tiah kan theih. Ralhrang pawl hi Hakha khuachung ah lut ngaingai lo in rual-u thlanhmun pawng hrawng le ramlak ah an um ko rih tiah kan theih.The Lairam  Times. A dang relchap.

Peng Ah SAC Ralkap Nih Bazar Khan 200 Leng Le Inn 50 Hrawng An Khangh Sagaing ramṭhen, Ye Oo peng Ṭinṭingya khua um bazar khan 200 le mizapi inn 50 leng cu SAC ralkap nih an khangh, tiah theih a si. SAC ralkap pawl cu Ye Oo peng nitlaklei Hnawkone khua in July 28 ah an chuak i, July 29 ah Ṭinṭingyan khua cu an khangh.

Bazar khan 200, mizapi inn 50 hrawng a ciam dih, tiah Freedom Revolution Force nih an langhter. SAC ralkap nih Ṭinṭingyan meithat zung, New Light dawr hmun le Innpatṭan hmun hna cu an khangh, tiah Local Fighter Squad nih an chim. Cu khua bazar cu pawngkam khua hna nih an rak fuh ngaingai mi bazar pakhat a si, tiah tualchung mi hna nih an chim.

SAC ralkap pawl cu Ye Oo le a pawngkam Depeyin hmunram ah rallam an sial i, inn le lo an hrawhmi le an khanghmi a tam, tiah tualchung mi hna nih an chm. The Chin Post. A dang relchap. SAC Nih Nawlngeihnak Thla 6 A Chap Ṭhan Lai Min Aung Hlaing nih a voihnihnak nawlngeihnak cu thla 6 a chap ṭhan lainak kong cu.

SAC ralkap chimphuannak nawlngeitu Zaw Min Htun nih BBC ah a chim. Ram pumpi thimnak dingah daihnak a um khawh nakding ah le thil dangdang tuah a herh rih lai caah nawlngeihnak thla 6 kan chap ṭhan lai, tiah a chimchap. July 31 ah SAC ralkap nih uknak an lak kum khat le cheu a tling lai i, kum khat a tlin hnu in thla 6 nawlngeihnak an chapnak a tlin ni zong a si lai.

SAC nih 2021 Febuary 1 in uknak a lak i President cu an tlaih. Vice President Myint Shwe nih rampi thil poipang ton caan(emergency) a si tiah a thanh i, Min Aung Hlaing cu nawlngeihnak a rak pek. 2008 phunghrampi ning in rampi poipang ton caan lioah kum hnih tiang uk khawh a si. Sihmanhsehlaw.

SAC nih Kaalung auh in thla 6 nawlngeihnak a chap i, 2023 Febuary 1 ah kum hnih a tling lai. 2023 August thla ah rampi thimnak ka tuah lai i, teinak a hmumi political party cu nawlngeihnak kan pek lai, tiah SAC ralkap nih thawngpang fianternak an tuah lio ah an chim. The Chein Post