Ralhrang Cawlcangh Hi Rak Zoh U

Ralhrang hi tu hi an ṭhio dih deng hna i an si a fka tuk cang fawn. Inn khang lawng si loin biatak tein thilri phaisa fir hi raltuknak hmanh in biapi ah an chiah ko cang hi. Zeihmanh zapi lakah hmun an ngei ti lo i an car thluahmah ko cang. A tanglei ah video rak zoh. A dang thawngpang relchap. Ralkap nih Sudan ram nawlngeihnak an lak, Ralkap Lutlai nih amah le mah ram hruaitu lutlai ah aa chia ve.

Aluancia zarh hnih lio ah Sudan ram cu ralkap nih nawlngeihnak an lak ve i ralbawi lutlai (Army Chief) Abdel Fattah al-Burhan nih amah le mah lutlai ka si, tiah a thanh ve.”Nawlngeihnak kan lak si loin ramchung ral a thawh sual nakhngalo ralrinnak le runvennak rian kan tuan mi a si i aralai mi 2023 kum ah aa tlukrual mi thimnak kan tuahpiak hna lai,” tiah a thanh ve hna. The Hakha Times

Capar dang relchap. Chin state kan zamtak lai lo tiah hla in kan phuah, ca in kan ttial, kan sersiam lai i Israel ram bantuk in kan ti. A phun2 in saduh kan that, thla kan cam. Nan nichiar le kumchiar in kan chuah tak cang. Milu tlawmbik kan si pinah a si fakbik le a tthangcho lobik kan si fawn. Tanghra awng cazin zongah a niambik kan si peng. Atu le uknak tthat lo ruangah Mizoram ah.

Chin miphun 20,000 tluk an zam cang ti si fawn. Falam khua le Thantlang khua i a ummi milu khi 20,000 hrawng an si. Cu ning in tuak ahcun Falam le Thantlang i a ummi Laimi 20,000 cu Mizoram ah an um cang. Zeitik ah dah Laitlang ah an rak kir than te lai aho hmanh nih kan chim kho lo. Ni hnu kum 2/3 a buai rih ahcun kir cu chim lo Laitlang i a um ciami hmanh an va zam tthan lai a fiang ko, Mizoram ah.

An fale sianginn tha tein an kaiter hna le bang ahcun an kir duh ti lai lo i Mizo ah an i cang dih te ko lai. Mizo zong cu Chin miphun an si ve ko nan chim duhmi cu Lairam (Chin state) kan sersiam kho ti lai lo. Milu zong kan zor chin lengmang cang lai tinak si. Kawlram ralkap chungkhar an karh te sual lai i Kawl miphun an rak pem sual lai phang a um ngai. Khua fak piin kan ruah a hau cang.

Lairam sersiam cu chim lo, Laimi kan zor chinnak le ttumchuknak le Kawl ralkap pawl karhnak state ah a cang sual lai phang a um ko. A zammi pawl kir duh tthannak ding in sersiam cu a fawi lomi bak a si fawn. Mizoram le Laitlang nak in a let in a nuam deuh fawn, nuncan a fawi deuh fawn. Kum sau nawn a rauh hnu i kir tthan zong a fawi ti lo, zapi zaran caah cun. “Lairam kan zamtak lai lo” timi hla cu sak ti lo ah a tha lai. Cred. Van Tum

Gangaw peng chung um mi dothlennak hruaitu pawl an i tong; phu 21 kuttlai in riantuanti ding lungtlinnak an tuah, November 11 ni ah Gangaw peng chung um mi dothlennak hruaitu hna tonnak ah phu 21 hmunkhat ah kuttlai in riantuanti ding lungtlinnak kan ngei tiah Gangaw PDF nih an thanh. Ralhraang uknak a hram bongh ding ah Gangaw peng chung um Chaklei le Thlanglei i dothlennak hruaitu hna, nawlngeitu hna i tonnak ah.

Phu 21 nih hmunkhat te ah riantuanti ding lungtlinak kan ngei tiah an chim. Kanmah Gangaw PDF he hmun khat ah ralhraang uknak a doti ding mi, tonnak i a rak ra kho lo mi phu hna zong an um rih ti kan in theihter hna tiah an thanh. Tualchung himnak ruah ah tonnak i a ra kho mi phu min cazin kan langhter lo mi cu a ruahzia kan thiampiak u tiah Gangaw PDF nih an langhter. Ref: The Ladies News. The Hakha Post ah lak chinmi asi.

VIDEO