Ralhrang Nih Timit Hlei Hlun An Remhnak

Ralhrang nih Timit Hlei hlun an remhnak Timit lei rak i kah dohnak nak kong nih ramleng um mizapi hna chungin mi tamnawn cu ,an zawt pah hna rua dah ka ti.

Kan lungsau ko rih seh,chikkhat lungthawhnak cu,chikhat te ah a ziamh tawn bang,kan dothlennak a dihdongh tiang kan lunghmunh ter cio hna usih.

Timit lei ah duh in kan cawl kho lo mi ah thader le lungdongh in i la hna hlah sih.Timit lei zong cu hleithar an donh kho hlei lo,kan ralthiam hna nih suaisam mi an ngei ve ko lai tiah ka ruaj.

Kumhnih chung ah kan ralkap nih tampi an ttuan manh ko.Lungler sakhan,Hmawngtlang, Vuangtu, Surkhua le Hnaring sakhan hna ah teinak an kan hmuh piakmi hna ruah tikah atlawmte hrimhrim lo, tamlak te hmawng an tthiam ko.

Cun,Thlanglei Laitlangah ralhrang nih sakhan pahnih an sung rih,kan laak rih.Chinram ah ralhrang camp 7/8 dahkaw an kan laak piak cang.

Chin mipi nih dohthlennak kan tuah hi kumhnih kuakap te ceo a si nain kan rianhma a kal ngaingai fawh. Credit – Salai Wlliams Hlawnceu

A dang Rel chap – Pu Hei Vung (Vambai) Nih A Rak Chim Chungmi Cu Pakhat Hnu Pakhat In An Tling

A tanglei chim chung bia hna hi Thantlang peng Vambai khuami Pu Hei Vung nih a rak hmuhmi an si i Salen khuami Pu Sui Peng sinah a chinchiahtermi a si. Cucu Pu Sui Peng nih a facebook ah a tar i mizapi caah theiṭha a si kan ti caah kan lak chinmi a si. A biatlang le biafang tete kan remhmi a um.

Kum 1980, January-September thla 9 chung i thil a hung ummi chim chung bia tlangtar pa 4

(1) Chim chung bia a phuangtu: Pu Hei Vung (VamBai)

(2) A chinchiahtermi: Pu SuiPeng (Salen)

Cu thil a hung um ding mi chim chung bia pa (4) hna cu a tanglei ah a dotdot in kan van langhter lai.

(1) A tulio i cozah phaisa nan hman lengmang mi hi i khon duh hlah. Cun na ngeih cia a um sual a si le chawhring asiloah chawro caw. A tangka hrimhrim in i chiah hlah. hi tangka hi hman lo caan a ra lio. Kan dawt hna caah ka chimmi a si tiah a ti.

(2) A ka kuh pah in a kut a hna hram ah a tum i huihui hehe, huihui hehe! Zeitin e? Nan dam maw? Size, khoika in? America (US) in! Kan dam, kan dam. Nannih teh nan dam maw? Kan dam lio a si ve ko. Mah cucu a ra lio tiah a ka chimh ṭhan.

(3) Khuate kip ah hin meithei (or) ruapar in meithei a tlai lai i atu i meifar hi van lo caan a phan lai.

(4) Kawlram hi a hung mui te lai i a muih tuk ahhin khuaruahar in a mui lai. Cu a muih ning cu khuadei lai muih he khin a tahchunh. Asinain a ceu zau ko lai a ti. Cutikah mi cu lunglawmhnak in an khat lai i minnung i ton i bia i ruahnak hmun paoh ah lunglawmhnak mittli a luang lai. Cu lunglawmhnak mitthli cu tah uh an van ti i misifak mithli a luangmi a tam bik. Pahnihnak ah ngahṭah le nuhmei mitthli a luangmi a si. Cun Kawlram minung nih kan i lawmh te lainak le lunglawmhnak mittli he pehtlai in cunglei in hla fung (6) a sak i cucu tape chungah ka khumh.

CHIM CHUNG BIA A TLING TAKTAK MAW)

(1) Hi phaisa (or) tangka hi hman lo caan a ra lio a timi cu 1986 le 1988 ah Ne Win nih tangka a thah. A thahmi tangka cu fang 15, fang 35, fang 75 le fang 90 ca hna an si. A tling taktak ko.

(2) Huihui Hehe. Zeitin? Nan dam hna maw? Khoika in? America (US) in. Kan dam, kan dam. nannih teh nan dam maw? timi chimchung bia cu 1993 hrawng khan Malaysia kal aa thok i kum 2000 hrawng a phak cun ram hnihnak le ram thumnak in hello hello nan dam hna maw tiin duh chungin Phone kan i chon hna i a pehzulh thluahmah cang. Huihui Hehe, Hello hello ti zong a tling taktak ko.

(3) Khuate kip ah meithei a tlai lai i meifar van lo can a ra lio timi cu kum 2000 in a cunglei kan zoh tikah khuate kip ah meithei cu a tlai taktak i meifar cu kan vang ti hna lo. Hi zong hi a tling taktak ko.

(4) Kawlram a hung muite lai timi cu Min Aung Hlaing nih nawlngeihnak a lak khan kan ram cu khuadei lai muih he a tahchunh bang a hung tling taktak ṭhan ko. A ceu zau lai a timi hi thlarau bia a si caah hngalh khawh a har ngai ko.

Hi bantukin kan pa kan pu a simi Pu Hei Vung nih a chim chungmi bia pa (4) hna cu an dihlak in an tling ko cang. A ceu lai dingmi le lunglawmhnak mitthli a luan lai dingmi lawng a tang ko cang.

Kan ram ah ceunak tlung sehlaw lunglawmhnak mitthli luang cang ko seh!

Pu Hei Vung (Vambai) Nih A Rak Chim Chungmi Cu Pakhat Hnu Pakhat In An Tling

A tanglei chim chung bia hna hi Thantlang peng Vambai khuami Pu Hei Vung nih a rak hmuhmi an si i Salen khuami Pu Sui Peng sinah a chinchiahtermi a si. Cucu Pu Sui Peng nih a facebook ah a tar i mizapi caah theiṭha a si kan ti caah kan lak chinmi a si. A biatlang le biafang tete kan remhmi a um.

Kum 1980, January-September thla 9 chung i thil a hung ummi chim chung bia tlangtar pa 4

(1) Chim chung bia a phuangtu: Pu Hei Vung (VamBai)

(2) A chinchiahtermi: Pu SuiPeng (Salen)

Cu thil a hung um ding mi chim chung bia pa (4) hna cu a tanglei ah a dotdot in kan van langhter lai.

(1) A tulio i cozah phaisa nan hman lengmang mi hi i khon duh hlah. Cun na ngeih cia a um sual a si le chawhring asiloah chawro caw. A tangka hrimhrim in i chiah hlah. hi tangka hi hman lo caan a ra lio. Kan dawt hna caah ka chimmi a si tiah a ti.

(2) A ka kuh pah in a kut a hna hram ah a tum i huihui hehe, huihui hehe! Zeitin e? Nan dam maw? Size, khoika in? America (US) in! Kan dam, kan dam. Nannih teh nan dam maw? Kan dam lio a si ve ko. Mah cucu a ra lio tiah a ka chimh ṭhan.

(3) Khuate kip ah hin meithei (or) ruapar in meithei a tlai lai i atu i meifar hi van lo caan a phan lai.

(4) Kawlram hi a hung mui te lai i a muih tuk ahhin khuaruahar in a mui lai. Cu a muih ning cu khuadei lai muih he khin a tahchunh. Asinain a ceu zau ko lai a ti. Cutikah mi cu lunglawmhnak in an khat lai i minnung i ton i bia i ruahnak hmun paoh ah lunglawmhnak mittli a luang lai.

Cu lunglawmhnak mitthli cu tah uh an van ti i misifak mithli a luangmi a tam bik. Pahnihnak ah ngahṭah le nuhmei mitthli a luangmi a si. Cun Kawlram minung nih kan i lawmh te lainak le lunglawmhnak mittli he pehtlai in cunglei in hla fung (6) a sak i cucu tape chungah ka khumh.

CHIM CHUNG BIA A TLING TAKTAK MAW)

(1) Hi phaisa (or) tangka hi hman lo caan a ra lio a timi cu 1986 le 1988 ah Ne Win nih tangka a thah. A thahmi tangka cu fang 15, fang 35, fang 75 le fang 90 ca hna an si. A tling taktak ko.

(2) Huihui Hehe. Zeitin? Nan dam hna maw? Khoika in? America (US) in. Kan dam, kan dam. nannih teh nan dam maw? timi chimchung bia cu 1993 hrawng khan Malaysia kal aa thok i kum 2000 hrawng a phak cun ram hnihnak le ram thumnak in hello hello nan dam hna maw tiin duh chungin Phone kan i chon hna i a pehzulh thluahmah cang. Huihui Hehe, Hello hello ti zong a tling taktak ko.

(3) Khuate kip ah meithei a tlai lai i meifar van lo can a ra lio timi cu kum 2000 in a cunglei kan zoh tikah khuate kip ah meithei cu a tlai taktak i meifar cu kan vang ti hna lo. Hi zong hi a tling taktak ko.

(4) Kawlram a hung muite lai timi cu Min Aung Hlaing nih nawlngeihnak a lak khan kan ram cu khuadei lai muih he a tahchunh bang a hung tling taktak ṭhan ko. A ceu zau lai a timi hi thlarau bia a si caah hngalh khawh a har ngai ko.

Hi bantukin kan pa kan pu a simi Pu Hei Vung nih a chim chungmi bia pa (4) hna cu an dihlak in an tling ko cang. A ceu lai dingmi le lunglawmhnak mitthli a luan lai dingmi lawng a tang ko cang.

Kan ram ah ceunak tlung sehlaw lunglawmhnak mitthli luang cang ko seh! Crd – TCP