SAC Ralhrang Caah Lunglawmh Nak Myanmar Mipi Caah Ṭahnak

Myanmar buainak kong he pehtlai in vawleicung ramkip le UN nih remhdaih khawhnak dingah kan tlangtlak kho hna lo, tiah a luancia November 13, Cambodia ram ah tuahmi ASEAN lutlai upa tonpumh nak ah UN General Secretary Antonio Guterres nih a chim.

Myanmar rammi hna cu a fak bikmi harnak nih a den hnanak kong le SAC nih thong an thlakmi hna zong a rannak in chuah ding le hramhram in SAC nih thil an tuahmi ngol ding zong UN General Secretary Antonio nih a chim.

A ra laimi ASEAN Chairman a ṭuan dingmi ram cu Indonesia an si lai i anmah nih Myanmar ram kong ah biatak thlak in thil an tuah lainak kong a zumhnak zong UN General Secretary Antonio nih a chim chih.

Myanmar ram kong tawlreltu UN palai le ASEAN ram kong tawlrel tu Myanmar palai he i bawm in Myanmar ram Democracy co ṭhan khawhnak ding ah fak piin kan i zuam lai, tiah UN General Secretary Antonio nih cun a langhter.

US President Joe Biden zong nih Myanmar ram Democracy hmuh ṭhan khawhnak ding ca ah fak piin kaa zuam lai i, ASEAN nih biahren an chiahmi phung hi SAC nih an zulh awk a si, tiah a forhfial hna.

ASEAN nih biahren an chiahmi 5 cu SAC nih kum khat le a cheu chungah pakhat hmanh a zulh lo caah SAC nih ASEAN biahren a zulh ṭhannak ding ah caan ri khiahpiak in ASEAN hruaitu hna nih bia an chah, tiah theih a si.

SAC nih cun Myanmar ram kong ah ASEAN cu zeihmanh i thlak lo ding in cathanh an chuah. The Chin Post. Note.  Atlangpi khi Sorce tarning a si lo. Anmah tarning cu a hcung te ah an tarning tein ka hung chiah.

A dang relchap. Monywa Ah PDF Sakhaan Pakhat Cu SAC Ralkap Nih An Luh Hnawh Hna,8 An Nunnak A Liam. Sagaing ramthen, Monwya peng ah SAC rallamsial Ralkap nih Htan Lay Pin khua pawng ah a um mi.

PDF sakhaan pakhat cu an luh hnawh hna i 8 an nunnak a liam. Hriamnam pawl zong SAC ralkap nih an lak hna tiah theih a si. Nizaan November 6 ah Htan Lay Pin khua pawng ah a um mi PDF sakhaan pakhat cu SAC ralkap nih an luh hnawh hna caah.

Kaphnih kahdohnak a chuak i 8 an nunnak a liam.Cu 8 chung in 4 cu PDF ralkap an si i a dang 4 cu a ho an si a fiang in theih a si rih lo tiah PDF phu i pakhat nih a chim. “4 cu kahdohnak chung ah kuan an i zat lo caah an nunnak a liam.

SAC rallamsial ralkap pawl an kal rih lo caah a dang 4 hi cu a ho an si kan fianh kho rih lo.A nunnak a liam mi 4 hmanh hi PDF ralkap an si caah kan fianh khawh mi a si” tiah a chim.

Novwmber 3 in khan SAC rallamsial ralkap cu Monywa-A Myint lam thluang thluan ah a um mi khua pawl ah an luh hnu November 6 chun sml 1 ah Htan Lay Pin khua ah an phan i kahdohnak a chuah hi a si. SAC ralkap thazaang 100 leng an si.

Cu SAC rallamsial ralkap cu Monywa ah a um mi battalion in a rak chuak mi phu an si leng ah Tawpu ah a um mi Pyu Saw Htee phu zong an i tel tiah khuami nih an chimnak in theih a si. Cu SAC rallamsial ralkap ruang ah.

Monywa-A Myint lam pawng khua 10 hrawng i khuami 3,000 leng cu himnak hmun ah an tli i cu SAC rallamsial ralkap cu tuni November 7 tiang Htan Lay Pin khua chung ah an um i inn a cheu khat zong an khangh tiah theih a si.(The Irrawaddy-Burmese Edition)

Relchap. Chin Ramkulh, Kanpetlet Peng Chung Ah Thingkep Par Tawh Lo Dingin An Khap! Chin Ramkulh, Kanpetlet peng chungah thingkep par le ramtang in a chuakmi pangpar dang hna kawl in zuar le cawk ti lo ding ah Kanpetlet peng mipi ukhruainak phu le pawng kam.

Zohkhenh tu phu nih October 28 ah khapnak cathanh an chuah tiah theih a si.Kan ram sining zoh chun in chawlet tu hna nih chawleh chawhrawlnak an tuah tikah a let tam tuk in thil man an kai ter pinah, thingkep par le ramtang in a chuakmi pangpar hna cu.

An hrawn i an zuar ti thawng kan theih caah atu bantukin cathanh kan chuah hi a si tiah an langhter. Cu kan khapmi vialte nan zulh duh lo ah cun daan pek nan si lai, cun ramtang ah nan hum him nak kong he pehtlaiin thil pakhat khat a chuah ah cun nanmah ṭuanvo a si lai tiah.