Thantlang Peng Ngalang Khuami Kan Pa Pu Sai Tum Nih Ruahlopi In Mual A Kan Liam Tak

Zophei Baptist Church, Hakha member lak ah kum Upa bik kan pa Pu Sai Tum – 82 (Hrang Cung pa) nih ni hin 12 September 2022 (MMT 3:00PM) A Chuah semnak Ngalang khua ah mual a kan liam tak. ZBCH a tlaihchan tukmi le thluachuah.

Hampiaktu kan.pa tungpi bang a kan kiah tak cu a fak hringhran ko. Nikhua caan chiat ruang ah a ruak te hmanh kan vui kho lo. Khrih fabu nih tantakmi chungkhar ngaih kan chiat pi hna. Kan pa rak kal chung ko kun mu. Ref. Zophei Baptist Church Hakha

A dang relchap. A TUAN LE A TLAI LAWNG: Kan dohthlennak kan tei lai maw / tei lai lo timi kongah thinphan ding pakhat hmanh a um lo. Kan tei hrimhrim lai A tuan le a tlai lawng Pathian kan si lo caah kan chim kho lai lo.

Dohthlennak kan tei hnutu khi thinphan deuh awk a si hnga. Thinphan phu zong a si fawn hnga. Hmailei kong cu hmailei nih kalpi te ko sehlaw, kan tei hrimhrim lai ka ti tikah keimah lungdi riamnak sawhsawh lawngin ka timi a si ve lo.

Min Aung Hlaing le a hnuzul pawl ka mit an kem tuk ca lawng zongah a si fawn lo. Kan tei lai ka tinak a ruang hi ka zumh tuk lawmmam caah a si ko. Ka seihchiah tuk palia. Kan tei lai ka tinak a ruang hi chimding a tampi men lai nain.

Keimah ka cuanh khawh tawk a tlangpi in pathum ka chim hmanh lai. Kawl tapung an tho ve cang caah Kawl ralkap an celh cawk te lai lo. Vawleicung nih an pom lomi an i muai cawk te lai lo Kawl Tapung An Tho Ve Cang:

Kawl tapung(PDF/LDF) an thawh vemi hi kan dohthlennak ah a biapi bikmi teinak ‘’tawh’’ a si te lai(tapung biafang ka hmanmi hi tlangcungmi hriamtlai phu paoh ralkap cozah paoh nih tapung an ti tawn hna caah anmah bia ka hman hramhram).

Min Aung Hlaing nih uknak a laak kaa, PDF le CDF an chuah kaa hrawngah bia pakhat faak nawnin ka rak chimmi a um. Facebook zongah ka rak ṭial i, mi hmai zongah voi tam nawn ka rak chim. Cu ka rak chimmi cu.

Laimi kan thih hmasat awk a si lo, Kawlmi an thih hmasat a hau ‘’ ka rak ti. Hi bia ka chimmi hi Kawlmi ka huat hna caah a si hrimhrimhrim lo. A chan tiluan le a thlihran cherhchan in ka chimmi a si.

A ngaingai tiah, kan hawi Kachin miphun le Karen miphun nih dohthlennak an tuah cu kum 70 hrawng a si cang. An miphun rel cawk lo an thi cang. Nain, an khuahlipi a simi Myitkyina le Moulmein hmanh an la kho ve lo.

A cozah pakhat pi doh cu a fawi rua lo. Cu kum 70 chungah Kawl ralkap le tlangcungmi hriamtlai phu ral an rak i dohmi kha nelrawn khuasa Kawlmi nih zei a si timi an rak hngal lo. Phundang in ka chim ahcun.

Ralkap an sual zia le an ṭhat lo zia an rak i fiang lo. Tlangcung hriamtlai phu pawl kha cozah a domi ‘’tapung’’ ah an rak ruah ve ko hna. Kawl le Kawl an si caah pakhat le pakhat an rak i zumh bia zong a si kho. Kachin le Karen nih.

Kum 70 chung ral an tho cang nain an khuahlipi hmanh an la kho lo va sikaw, ral kan thawhnak kum 30 fai lawng a si rihmi kanmah Laimi nih tutan dohthlennak ah hmai kan sat ding hi a herh ah ka ruat lo.

Kan thih ding zong a herh ah ka chia fawn lo. Cucaah Kawlmi an thih hmasat a hau ka rak ti phahnak cu a si. Atu cu Kawl zong tapung an tho taktak ve cang. Ralkap an sual zia le an ṭhat lo zia an i fiang tuk cang.

Phundang in ka chim ahcun, Kawl an piangthar cang kan ti ko lai. An mui hmuh hmanh an duh ti hna lo. Hihi a biapi tukmi a si. Atu dohthlennak hi Min Aung Hlaing va that khawh kha a biapi loh. Min Aung Hlaing a zam zong a biapi fawn lo.

Hakha cu chim lo, Rangoon le Mandalay laak khawhnak hmanhin ‘’Naypyitaw’’ laak khawh khi a biapi deuhmi a si.. Cucu anmah zong nih an theih tuk ve caah an ven bak ve lai. Naypyitaw a hmun chung paoh cu an kan uk khawh peng ve lai tinak a si.

Cu ‘’Naypyitaw’’ laak khawhnak ding caah Kawl tapung khi an biapi tuk te lai. Kawl Ralkap An Celh Cawk Te Lai Lo: Kan tlanval lioah Kawl ralkap khi milurel singnga(500,000)an si an rak ti tawn. Asia ramah ral tuk a thiam bik.

A pahnihnak an si e an rak ti tawn fawn. Nain, dohthlennak a chuah hnuah minung singnga an si lo zia fiang tukin a lang. Ral tuk paoh ah an sungh lengmang zong hmuh khawh a si fawn. Dohthlennak a chuah hnuah.

Nikhat 50 cung lengmang ralkap an thi ko i, a rauh hlanah an dih te ko lai. A thi lomi an zam len rih fawn lai. Zeicatiah, ral tuk an huam cawk te lai lo. Atu hmanh ralbawi pawl an sual zia an theih chin lengmang cang.

Mipi nih rem lomi an si zia zong an i fiang chin lengmang ve. An khenkham tuk hna caah a si ko i, caanrem hmu hna sehlaw a zamding lawngte an si. Minung fa a si komi cu thih nakin nun an duh deuh lai a fiang ko.

Anmah ralkap le ralkap lila lung i hmuh lonak hi kan teinak ding caah a pahnihnak a biapi tukmi ‘’tawh’’ a si te fawn lai. Vawleicung Nih An Pom Lomi An I Muai Cawk Te Lai Lo: Tuluk le Russia umtu khi ahohmanh kan lung a tling cio lo.

UN le Asian cawlcangh zong kan lung a si cio ve hlei lo. Vawleicung ram ṭhawng bik kan timi hna America le Europe thil tuah zong zei huaha lo ah kan ruah cio. Nain, zoh te hmanh u. Tuluk le Russia umtu nakin UN cingcing le.

Asean cingcing cawlcangh le America cingcing le Europe cingcing thil tuah hi an i muai cawk te lai lo. Atu hmanh an i muai cawk lomi hmuh khawh a si ko. U$ fangkhat ah Ks.4000.00 a phan e an ti. Kawlram tuanbia ah a um bal lo.

Thil man a kai. Sui man a kai. Datsi man a kai. A kai cawk te lai lo. A ṭum thiam fawn ti lai lo. A puaktu in a puak te ko lai. Hihi anmah khuakhan thiam lo a tampi lai nain, vawleicung nih an pom lonak hmual pakhat a si.

Vawleicung nih an pom lomi hi a biapi tukmi kan teinak ding a pathumnak ‘’tawh’’ a si ve lai. Min Aung Hlaing le a hnuzul pawl thil tuah nih Laimi fak tukin a kan den ve. Mi tampi nunnak a liam. Mi tampi ralzaam in an vai.

Inn tampi a kang. Khua tampi a rawk. Pumpak caah a poi tuk hringhran. Chungkhar caah a poi tuk fawn. Khuami caah a poi tuk hoi. Kan lung a ṭha cio lo. Nain, kan miphun caah cun dohthlennak nih thil ṭha a chuahpi te ko lai.

Khua a dei te ko lai. Ni a tlang te ko lai. Pathian tu nih kan huppheng sehlaw kan veng hram ko seh. Fek tein dir usih teinak tiang kal chin lengmang usih Bawi bik ralkap ṭha kan sibia a kan kamh bantuk in teinak sui luchin kan hmuh cio lai.`

timi hla sakin Bawipa sinah kun cio ko hna usih! Perhkalh. Vawleicung nih an pom lomi hi a biapi tukmi kan teinak ding a pathumnak ‘’tawh’’ a si ve lai. Min Aung Hlaing le a hnuzul pawl thil tuah nih Laimi fak tukin a kan den ve.

Mi tampi nunnak a liam. Mi tampi ralzaam in an vai. Inn tampi a kang. Khua tampi a rawk. Pumpak caah a poi tuk hringhran. Chungkhar caah a poi tuk fawn. Khuami caah a poi tuk hoi. Kan lung a ṭha cio lo.

Nain, kan miphun caah cun dohthlennak nih thil ṭha a chuahpi te ko lai.Khua a dei te ko lai. Ni a tlang te ko lai. Pathian tu nih kan huppheng sehlaw kan veng hram ko seh.Khua a dei te ko lai. Ni a tlang te ko lai.