Zahan Ramthlo Khua Dirhmun

Zahan kan rak tarlangh bantuk in nizan ah Ramthlo khua pawngah kahdohnak fak ngai kaw khuachia pawl nih hin miakpi meithal ngan in Ramthlo khua lei cu kah hna kaw a tu banbtuk in inn hi a hrawh. Asinain kang tu cu a kang hrawh lo. Ralhrang hi khua he naih deuh in i doh ahcun khua khangh an hman mi hi an molh chuah nak bik cu a si.

Tu tan cu an khangh hrawh lo i aa ning. Chin ramkulh, Hakha Khuapi No.1 Sianginn Hrawng Ah Bomb A Puak! Hakha ummi pakhat nih, “Nihin July 7 zaan sml 9:30 hrawng ah bomb a puak. No.1 sianginn chung ah a puakmi a lo ko. A thawng thang tuk hringhran. Bomb pelpawi zong kan inncung ah a tla,” tiah The Chin Post ah a chim.

Hakha No.1 sianginn cu SAC nih an hun i, siangngakchia 2000-3000 kar an kai lai. Siangngakchia hna cu anmah duhmi thil hruk in a kaimi zong an um. Siangngakchia sianginn an kai caan zinglei poh ah sii-inn lamṭhen in palik nih humhimnak an lakpiak hna. Cacawn caan a dih in siangngak chia an ṭin zong ah palik nih an congh hna.

Tiah Hakha ummi pakhat nih The Chin Post ah a chim. Ref. The Chin Post. A dang rel chap. Nu Duh Ci (Umhar phen ah seh) Nu cu bia vun i ruah ți le pakhat khat kong khuakhan ți tikah khin, “Vei mu, nangmah nawl si ko seh, nangmah nih a țha na timi paoh kha a țha ka ti ve ko,” vun ti ahcun nan i lunghmuih kho tuk cu.

Zun chuak lo piin ekinn chungah kal duak i zawng thlalang bih bang a thli tein thlalang hmaiah va dir ta i hnu hmai i her, keh orh i zoh ta hna an hmang cuh hehehe. Zawng cu thlalang ai bih ballo le ni khat cu inn pawngah a ra i, thlalang innpi hmai a kal lioah amah le amah ai hmuh cu a khuaruah a har tuk. Ai zoh, a hani a lik i thlalang chung i a hmuhmi nih a lik ve.

Keh leiah a kalpah in ai zoh i a vun zohve, orh lei a kalpah in ai zoh țhan i a vun zoh țhan ve. Tlawmpal hnuah ai thawn i ai zoh țhan cuticun ai zohnak ah kal a hngal ti lo. Cu hnu cun thlalang a hmuh paoh ah kal a hngal ti lo. (Cucu lai holh in thlalang a raap tuk kan ti hnga maw.) Minung an rat hnu lawngah kal loin a zam diam hehehe.

Cucaah nu duh ci le nu nih an duh bikmi cu, “Nangmah nawl si ko seh, ti a si. Asinain nangmah nawl si ko seh ti lawng duh i nangmah nawl si ve ko seh, nangmah nih a țha na timi kha a țha ka ti ve ko ti hman lo bel te cu a țha ve hoi ti lo. A țialtu, Keimah kut. Adang relchap. A dang relchap. Halkha cu Halkha a si ko, Thantlang cu Thantlang a si ko.

Min i sak ciocio ah hin ahohmanh nih sullam ngei tein chuankhannak he min hi i sak cio a si. Halkha le Thantlang zong khi cu bantuk in cun an rak sakmi an si ve ko lai. Kan lai holh ah a um i chimnak ah an hman tawn țheomi cu min an sakmi hna nih khin an min an phurh khawh lo ahcun an hrut tiah an ti tawn cu nan theih cio ko lai.

A hrutmi paoh khin chim duhmi a si hrimhrim lo mu. Thantlang khi Sui Thantlang tiah ahohmanh le mi zeihmanh nih min an rak sak balmi a si lo. Kum le caan a hung liam chin lengmang i a hnuah cun i uantlarnak lungput le i porhlawtnak thinlung he Sui Thantlang tiah mi pakhat khat nih min a rak sak i cuticun zei ruat huaha loin mi kip nih Sui Thantlang tiah an auh lulh cio.

Thawngțhachimtu pakhat nih a rak chim balmi cu Jesuh Khrih nih vailam a put lioah a tlukpi lengmangmi khi kan sualnak a rih tuk ruangah a neh tuk i a phurh khawh lo ruangah a tlukpinak a si tiah a rak chim bal. Amah ruahnak le a purhdah chommi zong a chimmi a si kho ko, a chimtu kan si ve lo i hngal ve ruam hlah.

Chim duhmi cu țha tein min rak sak ko cangmi kha a hnuah sui e, daimond e tiah Sui Thantlang, Sui Halkha tiah sak țhan kha a herh lomi a si. A herhnak zong a um hrimhrim fawn lo. Mi pakhat khat nih uanthlarnak in siseh, porhlawtnak in siseh, namnehnak in siseh sui Halkha a hei ti zongah mi kip nih i cawn lulh cio le media kip nih.

Sui Halkha tiah țial lulh cio phung zong a si lo. Atu ah cun mi kip le media kip nih Sui Halkha tiah an țial lulhmi hmuh a si cang. Minung min a si ah siseh, khua min a si ah siseh mah duh paoh in leet a ngah lomi an si. Cozah nih theihpinak he țha tein min thlennak tuah dih hnu i a ngah cang an ti hnu lawngah leet khawh a si.

Thlanmual hmanh țhial duh ah mah nawl le duh paoh in țhial a ngah lo timi cu nan hngalh dihmi a si ko. Halkha a si komi kha uanthlarnak le porhlawtnak lungput he Sui Halkha e Diamond Halkha e tiah nan ti thai a si ahcun Sui Thantlang a si lomi Thantlang a hluan te sual lai. Siaherhnak he, Dinnak kha a cat lomi tiva bantukin luanter camcin ko u (Amos 5:24). Salai K. Biak Lian Thawng