Zalonnak A Um Hlan Lo Thantlang Khua Kan Remh Kho Lo

Kan Mino hna nunnak a pe cangmi tampi an um. Kan khelmi hi Khuapi dawhtein sak a si lo. Zalonnak hi kan khelmi tak cu a si. Zeitluk khuadawh lo te a si hmanh ah zalonnak le hnangam tein khuasak le tlawnlen hi kan saduhthah ngan bik nunnak pekphu cu a si. Ralkap nih uknak an tlaih chung paoh cu a zeiti hmanh in kan rmeh kho lo.

Khua zong khang hnik ding a si lo tiah ka ruah. Hmailei kan ram a ṭha tikah cun zalonnak kan hmuh  tikah cun cozah hmanh nih rmeh a hau lailo. Pumpak hmanh nih an i thah lai lo. Biawpa thawngin aw. Zalonnak nih lawmhnak a chuahpi i lawmhnak nih thiltikhawhnak a chuahpi. Cucu  Chinmi vialte nih fiang usih.

Thantlang remh than hi zeihmanh sullam a ngei lo. Catlap nakmi ah cahang nakin catial bantuk a si. Sullam a ngei lo. Nizan Hakha Pastor te hna le Ralbawi hna Meeting khi Chinmi nih cohlang awk a ṭha rih lo. Kum khat chungah suilawngtein kan sak dih lai kan remh dih lai ti hmanh sehlaw cohlang awk a ṭha lo. A ruang anmah kut a si.

Anmahhruainakasi. Anmah uknak chungah a si. An duh cun nihin an sak dih hmanh ahzaan tim ah an duah than kho. Fiang usih. Hihi catialtu hmuhning a si. Miphun ai awh a chimtu ka si lo. Nizan Hakha Biaknek lei hruaitu hna le kanmah Christianmi Pastor hna le Ralbawi hna metting kha ka khuarua a har tuk.

Zalonnaknaktu hi ahmasa si rih ko seh. Hi bantuk hi cu zalonnak kan hmuh ah cun a har lai lo. Kannunnak tampi kan pek cang. Kan khelmi hi khuadawhnak le khuaremhnak a si lo. Zalonnak kan khelmi a si, Khuadawhternak caah nunnak pek a phu lo i khua remhnak caah nunnak pek a phu lo. Zalonnak caah a si.

Ralhrang ahram in phoih hloh hi kan khelmi tak cu a si. Ahar ko lai nain tei rial ko usih. Kan tei caan a phan ve te lai. A dang relchap. Thantlang serthannak ding kong ceihhmainak cu 30 Pur chun ah Lai ramkulh, Hakha khua, ramkulh cozah zung tonpumhnak ah an tuah i ralhrang riankhinh Lai ramkulh Chief Minister Pu Ngun San Aung nih biahmaithi chimnak a ngeih.

Ralhrang riankhinh Lai ramkulh Chief Minister Pu Ngun San Aung nih cun ” Nihin tonpumhnak cu Thantlang serthannak ding kongkau ceihhmainak a si, tonpumhnak ah a rak i tel kho mi ramkulh cozah zungkip in tuanvo ngei hna le, Thantlang cu hlan bantukin serthan a hauhnak le, tonpumh nak ah a rak kai kho mi.

Thantlang khuanu khuapa hna le Pastor hna Thantlang dirhmun le serthannak ding kongkau ah dengteo te’n nan duhmi nan chim khawhnak lai le, A bikin nawlpat kan duhmi hna cu ralzaam mizapi hna cu Hakha ah i thial nak kongkau zongah khuanu khuapa hna he ceihhmainak ngeih, ralzaam mi Hakha ah i thial ding an har ahcun.

Motor kongkau tuaktan piak an si lai nak le Thantlang serthannak ding ruahchannak a ngeihnak kong zong a chim. Cun hnu ah ralhrang Northwestern Colonal Myo Thun Hlaing nih ” Nihin i tuahmi tonpumhnak cu Thantlang kahdohnak ruangah ralzaam mizapi an kir than khawh nakhnga le Thantlang cu dai te’n.

Phungning te’n khuapi ah a si than khawh nakhnga, khuanu khuapa hna he hmunkhat ah tangrual a hauhnak kong a chim”. Cun Thantlang khuanu khuapa Pu Ram Khar, Pu Ngun Hram, Pu Lawm Bik, Rev.Dr. Lal Uk hna nih ralzaam mizapi hna a boruak zoh in le Thantlang khua serthannak ding kong ah ramkulh le rampumkomh tawlrelpiaknak a herhnak kong dengteo te’n an chim.