Zofa Lelte Zuamnak Ah Laimi Tampi An I Tel Top 30 An Thawk

Singer Iang Len Sung Judges ah aa tel ia um tu zia belte a puitling kho rih lo. A voikhatnak cu si ve kaw vun zoh ulaw nan theh ko lai. Aa tel kho ve caah lawmh ko usih. Tedim, paihte mino, mara tiin Juges an I tel. VIDEO A tanglei bik ah a um lai.

A dang relchap. Sau Deuh Na Hmawm Ah A Khaat Na Theih Lai Sii, dam lo caan ah kan din tawnmi sii khi a khaa lo na timi hmanh kha sau deuh na hmawm ahcun a khaat na theih lai. Minung hi kan kokek sining hrimhrim ah a lenglei, a cungpathual in mițha ko kan lo tawn.

Phun dangin cun velhle kan thiam i, i titer asiloah zia thuh a hmangmi kan rak si hna. Hawi he kan um ți tikah kan zia kan thuh tawn i a țha ngaimi le a fel ngaimi kan i lawhter tawn. Sihmanhsehlaw chikkhat asiloah caan zei maw zat chung c.

Kan thuh khawh nain sau a nguh lo. A hnuah kan zia a chuak țhan tawn. A thin a tawi ngaingaimi nu, pa nih zeitlukhmanh in a ziachiatnak le a thintawinak kha thup len ko hmanhseh caan a sau cun mi thintawi a sinak kha a lang țhan țhiam țhiam ko.

A puang țhan tho tho ko. Ahohmanh nih kan i neihmi kan zia kan kokek sining kha thuh thai khawh a rak si lo. Minung pakhat khi chikkhatte asiloah caan tawi te chung nan um ținak in a lungput le a ziaza a ruahnak le zeibantuk minung dah a si i.

Zeibantuk lungput dah a neih timi kha hngalh khawh a si lo. Cucaah na hngal kho lai lo nain caan sau nawn hmun khat țhut dir ți le um ți tikah zeibantuk minung dah a si i, zeibantuk ziaza le lungput dah a neih ti kha hngalh khawh a si.

Na hawinu na hawipa kha amah he nan um țika le nan i tonka ahcun țha ngai ko hmanhseh, asiloah mițha ngai te bangin um ko hmanh seh law caan a sau deuh cun a ziaza le a lungput na theih khawh lai. Nan i tonka ah mițha tuk pei a si hi na timi nu.

Pa hmanh khi a hnuah cun mizirtiang, midepde le miciangkuanglo pei a rak si ko hi ti hngalh khawh an si.  Aho cio kan si hmanh ah kan minung hawi he sau deuh kan um ți tikah kan chunglei kan ruahnak le kan ziaza, kan lungput le.

Kan thinlung kalning vialte hngalh khawh kan si hna. Chikkhatte i ton le um ți lioah caan asiloah chikkhatte hmawm ahcun kan khaat le khaat lo theih khawh le hngalh khawh kan si lo. A khaa lo kan timi sii hmanh sau.

Deuh hmawm ahcun a khaat theih a si. Cu bantukin cun aho kan si cio hmanh ah kan minung hawi khi chikkhatte um ți lio caan ah cun an zia hngalh khawh an si lo. Sihmanhsehlaw caan sau deuh um kal ți, țuan ți le țhutdir ți tikah zeibantuk.

Minung dah a si ti le zeibantuk. Lungput le ziaza dah a neih ti kha hngalh khawh an si. Sau deuh na hmawm ah a khaat na theih lai.A țialtu: Keimah kut. Cred. Biak Lian Thawng. Deuh hmawm ahcun a khaat theih a si.

A dang relchap. CNA & CDF: An Hmuitinh Cu Pakhat. Khuapau dohthlennak ah kan hriamtlai hna a simi CNA le CDF an i funtom khawh lomi hi a poi cemmi a si ko rua! Zapi zaran nih kan hmuh khawh tawk hmanh ah.

An i funtom khawh lonak a lang ngai i a chunglei ah cun a zual ngai lai ti a fiang. CNA hi kum 34 chung hriam a tlai cangmi an si caah raldohnak, hriamnam hmannak le ralkap ukhruainak ah hmuhtonmi tampi an ngei cang.

Phungphai fekfuan he an kal kho. Asinain chanthar fimthiamnak ah an chanbau. Khuapau dohthlennak a chuah hnuin CNA ah mino a thong leng an luh caah CNA ralkap hi a hlan nakin tampi an karh ve.CDF a dirnak cu kan theih cio bang kum 1 fai lawng a si rih.

Raldoh le hriamnam kongah an chambau i ukhruainak ah CNA tlukin an fekfuan rih lo. Asinain CNA nakin an tam deuh i chanthar fimthiamnak ah an sang deuh ve. Cu hrawnghrang lawng cu CNA le CDF an i dannak a si ko.

A biapi bik a simi an hmuitinh cu pakhat a si. Asinain an i funtom kho lo. I funtom kho hna seh law zeitlukin dah hmual a ngeih hnga! Chanthar raldohnak hriamnam tam deuh cu chantahr fimthiamnak lo cun hman khawh an si lo.

Cu ve bantukin chanthar fimthiamnak ngeih len ko zongah raldoh ningcang thiam lo ahcun a si kho fawn lo. Cu zawn te ah cun CNA le CDF hi an i funtom a herh tuknak a si. An santlaihnak zawn fonh khawh kha ṭhannak cu a si.

Cu nih cun santlaihlo nak zawn kha a khuhchih tawn. CNA le CDF an funtom khawhnak dingah remh a herh tiah ka ruahmi pathum an um. Cu hna cu! PAKHATNAK: Ramleng mipi kan i funtom hmasa a herh. Ramleng mipi kan dirhmun zoh tikah phu 3 in kan um.

CNA a ṭanhmi, CDF a tanhmi le CNA he CDF he a ṭanhmi tiin! CNA a ṭanh lomi hna hi Laitlang an rak um lioah CNA cungh lungfahnak, ngaihchiatnak a rak ngeimi hna deuh an si. CNA a tanhmi le CDF lawng a ṭanhmi hna hi.

CNA he CDF he a ṭanhmi hna sinah kan i funtom a herh.Hriamtlai he tlailo he kan dihlak in kan duhmi cu uknak ṭhalo tei kha a si ko. Cu uknak ṭhalo kan tei khawhnak dingah cun kan i funtom a herh. PAHNIHNAK:

CNA nih an rak ngeih ciami pawlisi (policy) an remh a hau! CNA le CDF an i funtom khawhnak a ruang tampi a um ko lai nain a biapi bik cu CNA pawlisi a si tiah ka ruah. Zei zawn theng dah a si ti cu ka sawh kho lo nain bia ka halmi hna tam deuh nih.

CNA pawlisi ah CDF an i tlum khawh lonak zeimawzat a um tiah an chim.I funtom khawhnak dingah a biapi bik cu pawlisi a si. Kan hmuitinh aa khah ko zongah kan pawlisi aa dan tuk ahun hmunkhat ah kalṭi a har.

CNA nih an pawlisi ṭha tein an zoh ṭhan i CDF zong an i tlum khawh nakhnga a herh ningin an remh a hau ti hi ka hmuh ning a si. PATHUMNAK: CDF nih CNA an hmuh hna ning lungput thlen a hau. CNA cu hriam an.

Tlaihnak sau cang hmanh seh law mipi nih kan rak dirkamh khawh hna lo caah fimthiamnak le hriamnam in an thazang a der. CNA ralbawi zuri pakhat hnih ruangah an limhang a zornak a tampi. Cu zawn ah cun CDF hruaitu hna nih

CNA hi fuhpanh awk ṭha in an hmu hna lo ti hi ka hmuhning a si. A dang relchap. Cu lungput cu kan thlen a herh. CNA zong an chambaunak a tampi ko lai. An ralbawi lakah zuri le ṭha tein a um duhlomi zong an um ve ko lai. Asinain cu ruangah cun.

CNA kha niam tuk in hmuh awk an si lo. CDF nih an ngeih lomi ṭhatnak tampi CNA nih an ngeihmi a um ve. Ramleng mipi kan i funtom lai. CNA nih remh a herhmi an i remh lai. CDF zong nih thlen a herhmi an thlen ve lai.

Cuticun kan thazang aa fonh lai i kan hmuitinh a simi uknak ṭhalo cu kan tei lai. Salai CP Lian (CEO, The Chin Post). A dang relchap. Sayakyi Tin Luai Thahnak Kong Ah International Dai CDF Supporting Committee Le NADC Nih Duhlonak An Langhter.

A luancia October 16 zan Ah CDF Matupi Dalan fimhlawmtu phu nih, sayakyi Tin Luai cu a inn chungah an luhhnawh i. Biahalnak zeihmanh ngeih ta loin an thahmi cungah North America Dai Community le International Dai CDF Sup porting.

Committee nih duhlonak cathanh an chuah tiah theih a si. An cathanh chungah CDF Matupi dalan fimhlawmtu phu nih, sayakyi Tin Luai cu a ruang um lo le biahalnak. Zeihmanh tuah ta loin an thah pinah dalan a si tiin mizapi sinah theihternak cathanh zeihmanh an rak chuah mi a um lo.

Cucaah Sayakyi Tin Luai cu Non-CDM sawhsawh lawng a si i, dalan a sinak zeihmanh an langhter khawhmi a um lo, tiah an langhter. CDF Matupi dalan fimhlawmtu hna nih, ralkap zulhphung zul loin sayakyi Tin Luai cu an tlaih i, a chungkhar hmaiah an thah.

Cucaah Non-CDM dantatnak kong ah NUG fimcawnnak zung nih 2022 April 2 lioah thanhnak an rak tuahmi zulhphung he aa kalh. Cucaah CDF Matupi dalan fimhlawmtu phu nih tuaktannak zeihmanh um lo le zulhphung zul loin sayakyi Tin Luai nan thahmi cungah.

North America Dai Community le International Dai CDF Supporting Committee nih fak piin duhlonak kan langhter, tiah an thanh. Cred. The Chin Post.A dang relchap. Cakuat ka don hoi. US um mi Laipa nih a nupi a velh lengmang.

Velh sawhsawh hmanh si loin a thi chuak lak tiang a velh tawn rua. An nu nau a pawi lio zongah a velh i a thi a luang. A nau a rawk maw zeidah a cang ti a thei rih lo. Mah cu zei tin dah kan tuah ah a ṭhat lai tiah ruahnak an ka hal i ka leh mi hna cu.

A kal tak ah a ṭha bik ka ti. A kal tak duh lo le palik chonh i thongthlak ding a si ko ka hei ti.Mah belte an nu nih khan nu le va i ṭhen kha sual tukah a ruah. Palik chonh te hna kha ziachiat tuk ah a ruah cun an pa loin US ram i khuasak kha ka sining nih.

A phan lo tiah a ruah i a in peng ko. Velh a tong peng mi nih luat a duh. Ahcun a mah nih hmasa bik ah a lung a khiah a hau. Luat ka duh taktak maw.Velh peng hi ka celh lai maw timi.  A tuak dih cikcek hnuah bia a khiah a hau.

Bia a khiah dih hnuah a lengah mi bawm kho tu hna sinah a chim le a phuan a hau.  US ram te hna i taksa fak le thinlung fak in kan vale kan i velh ter peng rih ko hna ahcun a ai kho deuh ti lo. A veltu cu a palh cia an si zungzal caah sual phawt len khi ka huam ti lo.Cred. Lainu Dawtu Aa Bor.

VIDEO